کامل شطاری

English rendering

Hayaat-e-ishq ka ik sarmadi payam aaya Nabi ke naam pe marna bhi kitna kaam aaya Tareeq-e-ishq mein aisa bhi ik maqam aaya Khuda ke naam se pehle Nabi ka naam aaya Yehi samajh ke idhar bhi ho ik nigah-e-karam Hamare dar ke ghulamon ka ik ghulam aaya Tumhein toh aarzoo-e-dil tumhein toh maqsad-e-jaan Nayi hayaat mili jab tumhara naam aaya Sagaan-e-dar se bhi nisbat hai jin ko Hazrat ke Zahe naseeb agar un mein hamara naam aaya Khuda daraaz kare umr-e-soz-e-ishq-e-Nabi Sulook-e-gham ki har ik mod par ye kaam aaya Nabi ke mushaf-e-rukh par jahan nigah padi Hamare saamne sajde ka ik maqam aaya Khata maaf ho parwarda-e-inayat ki Huzoor le ke jo main naat na-tamaam aaya Qadam Huzoor ke dekho tumhara sar dekho Junoon mein kab se ye Kamil khayal-e-khaam aaya