جلوۂ یار نے کچھ ایسی ادا پائی ہے
جلوۂ یار نے کچھ ایسی ادا پائی ہے ہر جھلک ایک نیا دعویٰ یکتائی ہے مر مٹے ہم وہ ابھی محو خود آرائی ہے اس کے قربان جو خاموش تماشائی ہے زخم دل ہو گئے پھر ان کی عنایت سے ہرے میرے گلشن میں پھر اک تازہ بہار آئی ہے مے ٹپکتی ہے نگاہوں سے میرے ساقی کی چشم بد دور عجب مست نظر پائی ہے بڑھ گئی چین جبیں سے میرے دل کی دھڑکن ان کی خفگی میں بھی انداز مسیحائی ہے لوگ منہ مانگی مرادوں کی دعا کرتے ہیں ہم نے ہر چیز طلب سے بھی سوا پائی ہے مٹ بھی جائے یہ کہیں طالب و مطلوب کا فرق اس کے آگے نہ تمنا نہ تمنائی ہے آپ کے جتنے گلے ہیں میرے سر آنکھوں پرقطرہ بات پرقطرہ بات مجھے بھی کوئی یاد آئی ہے تیری خاطر کہوں یا پاس ادب سے میں نے عمر بھر تہمت ہستی کی سزا پائی ہے عشق میں چل نہیں سکتی ہے سمجھ بوجھ کی بات تیرے دیوانے کو اب اتنی سمجھ آئی ہے آپ کے حسن کی ہر وقت نئی شان کھلی جب کبھی دل نے کوئی چوٹ نئی کھائی ہے آپ سے مجھ کو اگر ربط نہیں ہے کوئی یہ کشش کیا ہے یہاں تک جو مجھے لائی ہے دو حیاتوں کے ہے مابین اجل کا وقفہ موت سستائی ہوئی زیست کی انگڑائی ہے اپنے قدموں سے جدا کر کے تماشہ نہ بنا تیرا کاملؔ ترا بندہ ترا شیدائی ہے
English rendering
Jalwa-e-yaar ne kuch aisi ada paayi hai Har jhalak ek naya da'wa-e-yaktaayi hai Mar mite hum woh abhi mahw-e-khud-aaraayi hai Us ke qurban jo khamosh tamashaai hai Zakhm-e-dil ho gaye phir un ki inayat se hare Mere gulshan mein phir ek taza bahaar aayi hai Mai tapakti hai nigahon se mere saaqi ki Chashm-e-bad door ajab mast nazar paayi hai Badh gayi cheen-e-jabeen se mere dil ki dhadkan Un ki khafgi mein bhi andaaz-e-masihaai hai Log munh maangi muradon ki dua karte hain Hum ne har cheez talab se bhi siwa paayi hai Mit bhi jaaye yeh kahin talib-o-matloob ka farq Us ke aage na tamanna na tamannaayi hai Aap ke jitne gile hain mere sar aankhon par qatra Baat par qatra baat mujhe bhi koi yaad aayi hai Teri khaatir kahoon ya paas-e-adab se main ne Umar bhar tohmat-e-hasti ki saza paayi hai Ishq mein chal nahin sakti hai samajh boojh ki baat Tere deewane ko ab itni samajh aayi hai Aap ke husn ki har waqt nayi shaan khuli Jab kabhi dil ne koi chot nayi khaayi hai Aap se mujh ko agar rabt nahin hai koi Yeh kashish kya hai yahan tak jo mujhe laayi hai Do hayaaton ke hai mabain ajal ka waqfa Maut sataayi hui zeest ki angdaayi hai Apne qadmon se juda kar ke tamasha na bana Tera Kamil tera banda tera shaidaai hai