تمنا دو دلوں کی ایک ہی معلوم ہوتی ہے
تمنا دو دلوں کی ایک ہی معلوم ہوتی ہے اب ان کی ہر خوشی اپنی خوشی معلوم ہوتی ہے دلوں پر سب کے اک افسردگی معلوم ہوتی ہے تری محفل میں یہ کس کی کمی معلوم ہوتی ہے سمجھ کی چال چل جاتا ہے دیوانہ محبت کا بظاہر وہ بھی اک دیوانگی معلوم ہوتی ہے بجا ہنستا ہے گر ہنستا ہے کوئی میرے جینے پر مجھے خود زندگی اپنی ہنسی معلوم ہوتی ہے جہاں قدرت کسی سے پھیر لیتی ہے نظر اپنی وہیں انسان کی بے مائیگی معلوم ہوتی ہے یقیں محکم عزائم آہنی سعی و عمل پیہم انہیں سے آدمی کی زندگی معلوم ہوتی ہے کمینے رخ بدلتے ہیں ہوا پر تو کمینے ہیں شریفوں میں یہ کمزوری بری معلوم ہوتی ہے ذرا ٹھہرو مرے آنسو تو پورے خشک ہونے دو ابھی آنکھوں میں تھوڑی سی نمی معلوم ہوتی ہے ادھر تو آ ذرا منہ چوم لوں قربان ہو جاؤں ادائے برہمی بھی کیا بھلی معلوم ہوتی ہے یہی دل کی لگی کیا جانے کیا کیا رنگ لائے گی ابھی تو آپ کو اک دل لگی معلوم ہوتی ہے کسی کا ہر تبسم دل کے حق میں گھاؤ ہے تازہ پرانی چوٹ بھی ابھری ہوئی معلوم ہوتی ہے کھلونا ہے دل مجبور الفت ان کے ہاتھوں کا محبت کی اسی سے سادگی معلوم ہوتی ہے گھسیٹے جاتے ہیں کانٹوں میں ان کے چاہنے والے خدا جانے محبت کیوں بری معلوم ہوتی ہے جبین شوق کا جب رابطہ ہو ان کے قدموں سے انہیں سجدوں میں شان بندگی معلوم ہوتی ہے تصرف دید کے قابل ہے کاملؔ چشم ساقی کا نظر ملتے ہی دنیا دوسری معلوم ہوتی ہے
English rendering
Tamanna do dilon ki ek hi maloom hoti hai Ab un ki har khushi apni khushi maloom hoti hai Dilon par sab ke ek afsurdagi maloom hoti hai Teri mehfil mein yeh kis ki kami maloom hoti hai Samajh ki chaal chal jaata hai deewana-e-mohabbat ka Ba-zahir woh bhi ek deewangi maloom hoti hai Baja hansta hai gar hansta hai koi mere jeene par Mujhe khud zindagi apni hansi maloom hoti hai Jahan qudrat kisi se phir leti hai nazar apni Wahin insaan ki be-mayegi maloom hoti hai Yaqeen-e-mohkaam, aza'im-e-aahani, sa'i-o-amal-e-paiham Inheen se aadmi ki zindagi maloom hoti hai Kameene rukh badalte hain hawa par toh kameene hain Shareefon mein yeh kamzori buri maloom hoti hai Zara thehro mere aansu toh poore khushk hone do Abhi aankhon mein thodi si nami maloom hoti hai Idhar toh aa zara munh choom loon, qurban ho jaaun Ada-e-barhami bhi kya bhali maloom hoti hai Yehi dil ki lagi kya jaane kya kya rang laayegi Abhi toh aap ko ek dil lagi maloom hoti hai Kisi ka har tabassum dil ke haq mein ghao hai taza Purani chot bhi ubhari hui maloom hoti hai Khilona hai dil-e-majboor-e-ulfat un ke haathon ka Mohabbat ki isi se saadgi maloom hoti hai Ghaseete jaate hain kaanton mein un ke chahne wale Khuda jaane mohabbat kyun buri maloom hoti hai Jabeen-e-shauq ka jab rabta ho un ke qadmon se Inheen sajdon mein shaan-e-bandagi maloom hoti hai Tasarrruf deed ke qabil hai Kamil chashm-e-saaqi ka Nazar milte hi duniya doosri maloom hoti hai