اے اسیر یاس کثرت کی ہے تجھ کو احتیاج
اے اسیر یاس کثرت کی ہے تجھ کو احتیاج خوب صورت عورتوں کا قرب ہے تیرا علاج کیسی مشکل میں ہے دنیا دار انساں کیا کرے اک طرف خواہش کی شدت اک طرف ہے لوک لاج دوستو اس حال میں جینا پڑے گا کب تلک ذہن و دل پر ایک مدت سے ہے مایوسی کا راج ہم تو اس کو مانتے ہیں جانتے ہیں اس کو مرد جو کہ دشمن سے بھی لے توصیف و تحسیں کا خراج کرشن موہنؔ حدت غم سے پھنکا ہے تن بدن اور میرے حال پر ہنستا ہے یہ ظالم سماج
English rendering
Aye aseer-e-yaas kasrat ki hai tujh ko ihtiyaj Khoob surat auraton ka qurb hai tera ilaj Kaisi mushkil mein hai duniya daar insan kya kare Ek taraf khwahish ki shiddat ek taraf hai lok laaj Dosto is haal mein jeena padega kab talak Zehen-o-dil par ek muddat se hai mayusi ka raaj Hum to us ko mante hain jaante hain us ko mard Jo ke dushman se bhi le tauseef-o-tahseen ka kharaj Krishna Mohan haddat-e-gham se phunka hai tan badan Aur mere haal par hansta hai yeh zalim samaj