چاہتوں کا جہان ہے اردو
چاہتوں کا جہان ہے اردو راحتوں کا نشان ہے اردو عشق کا اعتبار اور وقار حسن کی آن بان ہے اردو دل فزا ضو کدہ صباحت کا اور ملاحت کی کان ہے اردو نثر کا ہے خرام خوش ہنگام شاعری کی اڑان ہے اردو زندہ ہے اپنا ذوق و شوق اس سے آرزوؤں کی جان ہے اردو لطف ہستی کا رنگ مستی کا خوش نما کاروان ہے اردو ذکر آرائش خم کاکل کیف ہندوستان ہے اردو دفتر اتحاد و یک جہتی پیار کی داستان ہے اردو ایکتا ہے انیکتا میں بھی دوست داری کا مان ہے اردو غالبؔ و میرؔ اس کے شیدا تھے جن کی روح روان ہے اردو آتشؔ و مومنؔ و نظیرؔ و جگرؔ جن کی رنگیں زبان ہے اردو اس کے عاشق نسیمؔ اور چکبستؔ جن کے جذبوں کی شان شان ہے اردو دوست اس کے سرورؔ اور سرشارؔ اس لئے شادمان ہے اردو درد مند اس کے پریم چندؔ رہے جن کے باعث جوان ہے اردو اس کے مشتاق ملاؔ اور فراقؔ جن کے دل کا بیان ہے اردو نعرہ زن جوشؔ کا خروش اس میں جوش کی ترجمان ہے اردو فیضؔ و اقبالؔ و کرشن چندر سے وسعت بے کران ہے اردو دھوم محرومؔ کی ہوئی اس میں اور منورؔ کی آن ہے اردو راشدؔ و میراجیؔ کی البیلی شوخ ادا راز دان ہے اردو فطنت و فن کی دولت بیدار کرشن موہنؔ کی جان ہے اردو
English rendering
Chahaton ka jahan hai Urdu Raahaton ka nishan hai Urdu Ishq ka e'tibar aur waqar Husn ki aan baan hai Urdu Dil-fiza zu-kada sabahatt ka Aur malahat ki kaan hai Urdu Nasr ka hai kharam khush-hangam Sha'iri ki udaan hai Urdu Zinda hai apna zauq-o-shauq is se Aarzuon ki jaan hai Urdu Lutf-e-hasti ka rang masti ka Khush-numa karwaan hai Urdu Zikr-e-araish-e-kham-e-kakul Kaif-e-Hindustan hai Urdu Daftar-e-ittehad o yak-jehati Pyar ki dastan hai Urdu Ekta hai anekta mein bhi Dost-dari ka maan hai Urdu Ghalib o Mir is ke shaida the Jin ki rooh-e-rawan hai Urdu Aatish o Momin o Nazir o Jigar Jin ki rangeen zaban hai Urdu Is ke aashiq Naseem aur Chakbast Jin ke jazbon ki shaan shaan hai Urdu Dost is ke Suroor aur Sarshar Is liye shadman hai Urdu Dardmand is ke Premchand rahe Jin ke baa'is jawan hai Urdu Is ke mushtaq Mula aur Firaq Jin ke dil ka bayan hai Urdu Na'ra-zan Josh ka kharosh is mein Josh ki tarjuman hai Urdu Faiz o Iqbal o Krishna Chandar se Wusat be-karan hai Urdu Dhoom Mahroom ki hui is mein Aur Munavvar ki aan hai Urdu Rashid o Miraji ki albeli Shokh ada raaz-dan hai Urdu Fitnat o fan ki daulat-e-bedar Krishna Mohan ki jaan hai Urdu