دل کی رکھنا دیکھ بھال اے دلبر رنگیں جمال
دل کی رکھنا دیکھ بھال اے دلبر رنگیں جمال ہے بہت نازک یہ شیشہ اس میں آ جائے نہ بال آرزو مندی میں بھی مشکل پسندی کا جنوں دل اسی کو چاہتا ہے جس کا ملنا ہے محال اک فقیر بے نوا نے مجھ کو سمجھایا یہ راز درد کی دولت کے آگے ہیچ ہیں مال و منال اپنی کم ظرفی کا غم ہے اور کوئی غم نہیں دل سے تیرا غم نہ سنبھلا مجھ کو ہے بس یہ ملال اتنی خالی بھی نہیں دنیا خلوص قلب سے آ ہی جاتے ہیں نظر ہم ایسے مخلص خال خال کرشن موہنؔ طبع پر طاری ہے ایسی بے حسی عشق ہے جی کا زیاں اور حسن ہے جاں کا وبال
English rendering
Dil ki rakhna dekh bhaal aye dilbar rangeen jamal Hai bahut nazuk ye sheesha is mein aa jaaye na baal Aarzoo mandi mein bhi mushkil pasandi ka junoon Dil usi ko chahta hai jis ka milna hai mahal Ek faqeer be-nawa ne mujh ko samjhaya ye raaz Dard ki daulat ke aage hech hain maal o manal Apni kam-zarfi ka gham hai aur koi gham nahin Dil se tera gham na sambhala mujh ko hai bas ye malal Itni khali bhi nahin duniya khuloos-e-qalb se Aa hi jaate hain nazar hum aise mukhlis khaal khaal Krishn Mohan tab'a par taari hai aisi be-hisi Ishq hai ji ka ziyan aur husn hai jaan ka wabaal