دوئی کا نقش فنا ہو تو لطف آ جائے
دوئی کا نقش فنا ہو تو لطف آ جائے انا میں رنگ غنا ہو تو لطف آ جائے ہمارے جذب دروں کے لیے دل دوراں تمام مدح و ثنا ہو تو لطف آ جائے امنگ سنگ رہے زندگی میں رنگ رہے زمانہ دوست بنا ہو تو لطف آ جائے شب وصال بہ رعب جمال کافر کا انا میں سینہ تنا ہو تو لطف آ جائے ملن کی شام بدن جام کام رس ہو تمام وہ روٹھ کر جو منا ہو تو لطف آ جائے غرور حسن مرے شوخ فتنہ ساماں کا فنا نہ ہو جو فنا ہو تو لطف آ جائے کڑا سفر ہے کڑی دھوپ ہے امنگوں کی کہیں جو سایہ گھنا ہو تو لطف آ جائے کسی بھی دیش میں دھرتی نے رنج و غم سہہ کر جو کوئی ویر جنا ہو تو لطف آ جائے خرد کا گھور اندھیرا ہے من کی چلمن میں جنوں کا نور چھنا ہو تو لطف آ جائے جنوں طراز کوئی شعر کرشنؔ موہن کا فسون راز بنا ہو تو لطف آ جائے
English rendering
Doi ka naqsh fana ho to lutf aa jaaye Ana mein rang ghina ho to lutf aa jaaye Hamare jazb-e-daroon ke liye dil-e-dauraan Tamaam madh-o-sana ho to lutf aa jaaye Umang sang rahe zindagi mein rang rahe Zamana dost bana ho to lutf aa jaaye Shab-e-visal ba ro'b-e-jamal kafir ka Ana mein seena tana ho to lutf aa jaaye Milan ki shaam badan jaam kaam ras ho tamam Woh rooth kar jo mana ho to lutf aa jaaye Ghuroor-e-husn mere shokh fitna samaan ka Fana na ho jo fana ho to lutf aa jaaye Kada safar hai kadi dhoop hai umangon ki Kahin jo saaya ghana ho to lutf aa jaaye Kisi bhi desh mein dharti ne ranj-o-gham seh kar Jo koi veer jana ho to lutf aa jaaye Khurd ka ghoor andhera hai man ki chilman mein Junoon ka noor chhuna ho to lutf aa jaaye Junoon-taraz koi sher Krishna Mohan ka Fasoon-e-raaz bana ho to lutf aa jaaye