حیات اک سلسلہ ہے آشفتہ جانیوں کا
حیات اک سلسلہ ہے آشفتہ جانیوں کا ملا مجھے خوب یہ صلہ جاں فشانیوں کا فریب دہ ہے جنوں بقا کی نشانیوں کا یہ عالم آب و گل ہے اجلاس فانیوں کا نگاہ افروز کیف اندوز و عیش آموز ہے ایک سیل نشاط اٹھتی جوانیوں کا جنون شاعر شعور عالم ریاض عابد ہے سب کو انداز اپنی اپنی روانیوں کا بشر کے دل میں فلک کی نیلاہٹوں کی آہٹ زمیں کی ہلچل فسوں سمندر کے پانیوں کا مجھے یہ ڈر ہے کہیں نہ ہو شہر شہر چرچا تری جفا کی مری وفا کی کہانیوں کا یہ آدمی آدمی کے بیچ اونچ نیچ یارب بنا ہے یہ تفرقہ تماشا جہانیوں کا وصال میں ہم تھے اتنے مدہوش جانتے کیا کہ سوز حرماں ہے ماحصل شادمانیوں کا حیات اور موت ہیں تری دلبری کے غمزے تماشا گہ ہے جہاں تری دلستانیوں کا یہ گرم آنسو یہ سرد آہیں حزیں نگاہیں خیال رکھنا مری وفا کی نشانیوں کا وہ کیسے میرے دل شکستہ کا درد جانیں ہجوم ہے جن کی زندگی کامرانیوں کا کہاں ہے چاہت کی دل کش و دل نواز رنجش ہے تذکرہ ہر جگہ تری مہربانیوں کا اداس حیراں شباب میرا ہدف رہا ہے تمہاری راتوں کی دل شکن سرگرانیوں کا وہ شور اٹھا لا شعور کی ننھی بستیوں میں غرور ٹوٹا شعور کی راجدھانیوں کا پناہ دیتی ہے پاپ کو کیوں وشال دھرتی وچار ایسا سمجھ کا ہے پھیر گیانیوں کا یہ کیسی بپتا پڑی ہے سنسار پر کہ اے دل نہ دھیر قائم نہ دھیان باقی ہے دھیانیوں کا میں اس پہ شیدا ہوا ہوں مدت سے کرشن موہنؔ جو دل میں رس گھولتا ہے شیریں بیانیوں کا جدید راہوں کا شوخ راہی ہے کرشن موہنؔ وہ ہم نوا ہے نئے تمدن کے بانیوں کا
English rendering
Hayat ek silsila hai aashufta jaaniyon ka Mila mujhe khoob yeh sila jaan-fashaniyon ka Faraib-deh hai junoon baqa ki nishaniyon ka Yeh alam-e-aab-o-gil hai ijlas-e-faaniyon ka Nigah afroz kaif-andoz o aish-amoz Hai ek sail-e-nishat uthti jawaniyon ka Junoon shayar shaoor-e-alam riyaz abid Hai sab ko andaaz apni apni rawaniyon ka Bashar ke dil mein falak ki neelahaton ki aahat Zameen ki halchal fasoon samundar ke paaniyon ka Mujhe yeh dar hai kahin na ho shahar shahar charcha Teri jafa ki meri wafa ki kahaniyon ka Yeh aadmi aadmi ke beech oonch neech ya Rab Bana hai yeh tafraqa tamasha jahaniyon ka Visal mein hum the itne madhosh jaante kya Ke soz-e-hirman hai mahasal shaadmaaniyon ka Hayat aur maut hain teri dilbari ke ghamze Tamasha-gah hai jahan teri dilstaniyon ka Yeh garam aansu yeh sard aahen hazeen nigahen Khayal rakhna meri wafa ki nishaniyon ka Woh kaise mere dil shikasta ka dard jaanen Hujoom hai jin ki zindagi kamraniyon ka Kahan hai chahat ki dilkash o dilnawaz ranjish Hai tazkira har jagah teri meherbaniyon ka Udaas hairan shabab mera hadaf raha hai Tumhari raaton ki dilshikan sargiraaniyon ka Woh shor utha la-shaoor ki nanhi bastiyon mein Ghuroor toota shaoor ki rajdhaniyon ka Panah deti hai paap ko kyon vishal dharti Vichar aisa samajh ka hai pher gyaniyon ka Yeh kaisi bipata padi hai sansar par ke ae dil Na dheer qayam na dhyan baaqi hai dhyaniyon ka Main is pe shaida hua hoon muddat se Krishna Mohan Jo dil mein ras gholta hai shireen bayaniyon ka Jadeed raahon ka shokh raahi hai Krishna Mohan Woh hamnawa hai naye tamaddun ke baniyon ka