منزل ہے دور کوچ کا سامان کیجیے
منزل ہے دور کوچ کا سامان کیجیے دشوار ہے سفر اسے آسان کیجیے یہ عقل کی ہے بات اسے مان لیجیے جینا ہے تو سماج سے پیمان کیجیے کسب کمال فن کا ہے یہ اولیں چلن ہر آن اپنے آپ کو قربان کیجیے ارشاد ہے یہ غالب دانائے راز کا پندار کا صنم کدہ ویران کیجیے میرا جنوں ہی کوئے ملامت کی جان ہے میرے فسون شوق کو پہچان لیجیے رنگ ملال کو نہیں کیف نشاط کو افسانۂ حیات کا عنوان کیجیے شاید گداز عشق سے ہو جائے آشنا ناصح کی نذر میرؔ کا دیوان کیجیے کہتی ہے رمز و راز سے اس کی نگاہ ناز مجھ پر نثار مذہب و ایمان کیجیے آہنگ و رنگ کفر ہے اس کی متاع شوق اردو کو بخشئے نہ مسلمان کیجیے خوئے وفا میں ہو وہ عزیمت کا بانکپن رسم جفا سے ان کو پشیمان کیجیے دنیا دنی ہے ہر سگ دنیا کے سامنے کیوں اپنے سوز عشق کا اعلان کیجیے انساں کی ہست و بود کا ہے اور کیا جواز اپنی نمود سے اسے حیران کیجیے طرفہ ستم اگر کہ ہو شیطان حکمراں ہے مصلحت کہ طاعت شیطان کیجیے ہم معنیٔ ستم ہے یہ تمکیں نما کرم احساں نہ کیجیے یہی احسان کیجیے کیا مرد بے نیاز کو اعزاز کی ہوس میرے لیے نہ دل کو پریشان کیجیے
English rendering
Manzil hai door kooch ka saamaan keejiye Dushwaar hai safar use aasaan keejiye Ye aql ki hai baat use maan leejiye Jeena hai to samaj se paiman keejiye Kasb-e-kamal-e-fan ka hai ye awwalin chalan Har aan apne aap ko qurbaan keejiye Irshad hai ye Ghalib-e-daanaa-e-raaz ka Pindaar ka sanam-kada veeraan keejiye Mera junoon hi koo-e-malāmat ki jaan hai Mere fasoon-e-shauq ko pehchaan leejiye Rang-e-malal ko nahin kaif-e-nishaat ko Afsaana-e-hayaat ka unwan keejiye Shayad gudaz-e-ishq se ho jaaye aashna Naseh ki nazar Mir ka deewan keejiye Kehti hai ramz o raaz se uski nigah-e-naz Mujh par nisaar mazhab o imaan keejiye Aahang o rang-e-kufr hai uski mataa-e-shauq Urdu ko bakhshiye na musalmaan keejiye Khoo-e-wafa mein ho wo azeemat ka baankpan Rasm-e-jafa se unko pashemaan keejiye Duniya dani hai har sag-e-duniya ke saamne Kyun apne soz-e-ishq ka elaan keejiye Insaan ki hast o bood ka hai aur kya jawaz Apni namood se use hairaan keejiye Turfa sitam agarche ho shaitaan hukmraan Hai maslahat ke taa'at-e-shaitaan keejiye Ham ma'ana-e-sitam hai ye tamkeen numa karam Ehsaan na keejiye yahi ehsaan keejiye Kya mard-e-be-niyaz ko a'zaaz ki hawas Mere liye na dil ko pareshan keejiye