ایکسیڈنٹ — مجید امجد
شاعر
ایکسیڈنٹ
مجھ سے روز یہی کہتا ہے پکی سڑک پر وہ کالا سا داغ جو کچھ دن پہلے
سرخ لہو کا تھا اک چھینٹا چکنا گیلا چمکیلا چمکیلا
مٹی اس پہ گری اور میلی سی اک پیڑھی اس پر سے اتری
اور پھر سیندوری سا اک خاکہ ابھرا
جو اب پکی سڑک پر کالا سا دھبہ ہے
پسی ہوئی بجری میں جذب اور جامد ان مٹ
مجھ سے روز یہی کہتا ہے پکی سڑک پر مسلا ہوا وہ داغ لہو کا
میں نے تو پہلی بار اس دن
اپنی رنگ برنگی قاشوں والی گیند کے پیچھے
یوں ہی ذرا اک جست بھری تھی
ابھی تو میرا روغن بھی کچھا تھا
کس نے انڈیل دیا یوں مجھ کو اس مٹی پر
اوں اوں میں نہیں مٹتا میں تو ہوں اب بھی ہوں
میں یہ سن کر ڈر جاتا ہوں
کالی بجری کے روغن میں جینے والے اس معصوم لہو کی کون سنے گا
ممتا بک بھی چکی ہے چند ٹکوں میں
قانون آنکھیں میچے ہوئے ہے
قاتل پہیے بے پہرا ہیں
Accident
Mujh se roz yehi kehta hai pakki sadak par woh kala sa daagh jo kuch din pehle
Surkh lahu ka tha ek chheenta chikna geela chamkeela chamkeela
Mitti us pe giri aur maili si ek peedhi us par se utri
Aur phir sindoori sa ek khaaka ubhra
Jo ab pakki sadak par kala sa dhabba hai
Pisi hui bajri mein jazb aur jaamid unmatt
Mujh se roz yehi kehta hai pakki sadak par masla hua woh daagh lahu ka
Maine toh pehli baar us din
Apni rang birangi qashon wali gend ke peeche
Yoon hi zara ek just bhari thi
Abhi toh mera roghan bhi kacha tha
Kis ne undel diya yoon mujh ko is mitti par
Oon oon main nahin mitta main toh hoon ab bhi hoon
Main yeh sun kar dar jaata hoon
Kaali bajri ke roghan mein jeene wale is masoom lahu ki kaun sunega
Mamta bik bhi chuki hai chand takkon mein
Qanoon aankhein meeche hue hai
Qaatil pahiye be-pehrah hain
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں