یہ دنیا — مجید امجد
شاعر
یہ دنیا
یہ دنیا یہ بے ربط سی ایک زنجیر
یہ دنیا یہ اک نامکمل سی تصویر
یہ دنیا نہیں میرے خوابوں کی تعبیر
میں جب دیکھتا ہوں یہ بزمِ فانی
غمِ جاودانی کی ہے اِک کہانی
تو چیخ اُٹھتی ہے میری باغی جوانی
یہ محلوں یہ تختوں یہ تاجوں کی دُنیا
گُناہوں میں لتھڑے رواجوں کی دُنیا
محّبت کے دشمن سماجوں کی دُنیا
یہاں پر کلی دل کی کھلتی نہیں ہے
کوئی چِق دریچوں کی ہلتی نہیں ہے
مَرے عشق کو بھیک ملتی نہیں ہے
اگر میں خُدا اس زمانے کا ہوتا
تو عنوان اور اس فسانے کا ہوتا
عجب لطف دنیا میں آنے کا ہوتا
Yeh Duniya
Yeh duniya yeh be-rabt si ek zanjeer
Yeh duniya yeh ek na-mukammal si tasveer
Yeh duniya nahi mere khwabon ki ta'abeer
Main jab dekhta hoon yeh bazm-e-fani
Gham-e-jaawidani ki hai ik kahani
Toh cheekh uthti hai meri baghi jawani
Yeh mahalon yeh takhton yeh tajon ki duniya
Gunahon mein lathde riwajon ki duniya
Mohabbat ke dushman samajon ki duniya
Yahan par kali dil ki khulti nahi hai
Koi chiq darichon ki hilti nahi hai
Mere ishq ko bheek milti nahi hai
Agar main Khuda is zamane ka hota
Toh unwan aur is fasane ka hota
Ajab lutf duniya mein aane ka hota
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں