ایکٹرس کا کنٹریکٹ — مجید امجد
شاعر
ایکٹرس کا کنٹریکٹ
مرا وجود زندگی کا بھید ہے دیکھ
یہ ایک ہونٹ کے شعلے پہ برگ گل سے خراش
یہ ایک جسم کے کندن میں گدگدی سے گداز
یہ ایک روح بھنچے بازوؤں میں کھیلتی لہر!
ذرا قریب تو آ دیکھ تیرے سامنے ہیں
یہ سرخ رس بھرے لب جن کی اک جھلک کے لیے
کبھی قبیلوں کے دل جوشنوں میں دھڑکے تھے
جو تو کہے تو یہی ہونٹ سرخ رس بھرے ہونٹ
ترے لہو میں شگوفے کھلا بھی سکتے ہیں!
قریب آ یہ بدن میری زندگی کا طلسم
تری نگاہ کی چنگاریوں کا پیاسا ہے
جو تو کہے تو یہی نرم لہریا آنچل
یہی نقاب مری چٹکیوں میں اٹکی ہوئی
یہی ردا مری انگڑائیوں سے مسکی ہوئی
یہ آبشار ڈھلانوں سے گر بھی سکتی ہے
بس ایک شرط۔۔۔ یہ گوہر سطور دستاویز
ذرا کوئی یہ وثیقہ رقم کرے تو سہی
اکائیوں کے ادھر جتنے دائرے ہوں گے!
ادھر بھی اتنے ہی عکس ان برہنہ شعلوں کے
Actress Ka Contract
Mera wajood zindagi ka bhed hai dekh
Yeh ek honth ke shole pe barg-e-gul se kharaash
Yeh ek jism ke kundan mein gudgudi se gudaz
Yeh ek rooh bhinchhe baazuon mein khelti lahar!
Zara qareeb to aa dekh tere saamne hain
Yeh surkh ras bhare lab jin ki ik jhalak ke liye
Kabhi qabeelon ke dil joshanon mein dhadke the
Jo tu kahe to yehi honth surkh ras bhare honth
Tere lahoo mein shagoofe khila bhi sakte hain!
Qareeb aa yeh badan meri zindagi ka tilism
Teri nigaah ki chingaariyon ka pyaasa hai
Jo tu kahe to yehi narm lahariya aanchal
Yehi naqaab meri chutkiyon mein atki hui
Yehi rida meri angdaaiyon se maski hui
Yeh aabshaar dhalanon se gir bhi sakti hai
Bas ek shart... yeh gauhar-e-satour dastavez
Zara koi yeh waseeqa raqam kare to sahi
Ikayiyon ke idhar jitne daayre honge!
Idhar bhi utne hi aks un barahna sholon ke
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں