اے ری چڑیا — مجید امجد
شاعر
اے ری چڑیا
جانے اس روزن میں بیٹھے بیٹھے
تو کس دھیان میں تیری چڑیا اے ری چڑیا
بیٹھے بیٹھے تو نے کتنی لاج سے دیکھا
پیتل کے اس اک تل کو جو تیری ناک میں ہے
اپنی پت پر یوں مت ریجھ خبر ہے باہر
اک اک ڈاین آنکھ کی پتلی تیری تاک میں ہے
تجھ کو یوں چمکارنے والوں میں ہے اک جگ تیرا بیری
چڑیا اے ری چڑیا
بھولی تو یوں اڑتی پنکھ جھپکتی
یہاں کہاں آ ٹھہری چڑیا اے ری چڑیا
یہ تو میرے دل کا پنجرا ہے تو اس میں
اپنی ٹوٹی پھوٹی خوشیاں ڈھونڈنے آئی ہے
پگلی یہاں تو ہے ہیرے کی کنی کا چوگا
اور اک زخمی سانس اس پنجرے کی انگنائی ہے
اڑ اور مہکی ہوئی بن بیلڑیوں میں
جا چن اپنی لے ری چڑیا اے ری چڑیا
Ae Ri Chidiya
Jaane is rozan mein baithe baithe
Tu kis dhyan mein teri chidiya ae ri chidiya
Baithe baithe tu ne kitni laaj se dekha
Peetal ke is ek til ko jo teri naak mein hai
Apni pat par yoon mat reejh khabar hai bahar
Ek ek daayan aankh ki putli teri taak mein hai
Tujh ko yoon chamkane walon mein hai ek jag tera bairi
Chidiya ae ri chidiya
Bholi tu yoon udti pankh jhapakti
Yahan kahan aa thehri chidiya ae ri chidiya
Yeh toh mere dil ka pinjra hai tu is mein
Apni tooti phooti khushiyan dhoondhne aayi hai
Pagli yahan toh hai heere ki kani ka choga
Aur ek zakhmi saans is pinjre ki anganai hai
Ud aur mahki hui ban bailadiyon mein
Ja chun apni le ri chidiya ae ri chidiya
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں