اور یہ انساں — مجید امجد
شاعر
اور یہ انساں
اور یہ انساں ۔۔۔جو مٹی کا اک ذرہ ہے۔۔۔ جو مٹی سے بھی کم تر ہے
اپنے لیے ڈھونڈے تو اس کے سارے شرف سچی تمکینوں میں ہیں
لیکن کیا یہ تکریمیں ملتی ہیں
زر کی چمک سے
تہذیبوں کی چھب سے
سلطنتوں کی دھج سے
نہیں ۔۔۔نہیں تو۔۔۔
پھر کیوں مٹی کے اس ذرے کو سجدہ کیا اک اک طاقت نے
کیا اس کی رفعت ہی کی یہ سب تسخیریں ہیں
میں بتلا دوں
کیا اس کی قوت اور کیسی اس کی تسخیریں
میں بتلا دوں
قاہر جذبوں کے آگے بے بس ہونے میں مٹی کا یہ ذرہ
اپنے آپ میں
جب مٹی سے بھی کم تر ہو جاتا ہے سننے والا اس کی سنتا ہے
سننے والا جس کی سنے وہ تو اپنے مٹی ہونے میں بھی انمول ہے
Aur Yeh Insaan
Aur yeh insaan... jo mitti ka ek zarra hai... jo mitti se bhi kam tar hai
Apne liye dhoonde to uske saare sharaf sacchi tamkeenon mein hi hain
Lekin kya yeh takreemein milti hain
Zar ki chamak se
Tehzeebon ki chhab se
Saltanaton ki dhaj se
Nahin... nahin to...
Phir kyun mitti ke is zarre ko sajda kiya ek ek taaqat ne
Kya is ki rif'at hi ki yeh sab taskheerein hain
Main batla doon
Kya is ki quwwat aur kaisi is ki taskheerein
Main batla doon
Qahir jazbon ke aage be-bas hone mein mitti ka yeh zarra
Apne aap mein
Jab mitti se bhi kam tar ho jaata hai sunne wala us ki sunta hai
Sunne wala jis ki sune woh to apne mitti hone mein bhi anmol hai
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں