بہار — مجید امجد
شاعر
بہار
ہر بار اسی طرح سے فطرت
سونے کی ڈلی سے ڈھالتی ہے
سرسوں کی کلی کی زرد مورت
تھاما ہے جسے خم ہوا نے
ہر بار اسی طرح سے شاخیں
کھلتی ہوئی کونپلیں اٹھائے
رستوں کے سلاخچوں سے لگ کر
کیا سوچتی ہیں یہ کون جانے
ہر بار اسی طرح سے بوندیں
رنگوں بھری بدلیوں سے چھن کر
آتی ہیں مسافتوں پہ پھیلے
تانبے کے ورق کو ٹھنٹھنانے
ہر سال اسی طرح کا موسم
ہر بار یہی مہکتی دوری
ہر صبح یہی کٹھور آنسو
رونے کے کب آئیں گے زمانے
Bahar
Har baar isi tarah se fitrat
Sone ki dali se dhaalti hai
Sarson ki kali ki zard moorat
Thama hai jise kham hawa ne
Har baar isi tarah se shakhein
Khilti hui konpalein uthaaye
Raaston ke salakhchon se lag kar
Kya sochti hain yeh kaun jaane
Har baar isi tarah se boondein
Rangon bhari badliyon se chhan kar
Aati hain musafaton pe phaile
Taambe ke waraq ko thunthunane
Har saal isi tarah ka mausam
Har baar yehi mehekti doori
Har subh yehi kathor aansu
Rone ke kab aayenge zamaane
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں