بنے یہ زہر ہی وجہ شفا جو تو چاہے — مجید امجد
شاعر
بنے یہ زہر ہی وجہ شفا جو تو چاہے
بنے یہ زہر ہی وجہ شفا جو تو چاہے
خرید لوں میں یہ نقلی دوا جو تو چاہے
یہ زرد پنکھڑیاں جن پر کہ حرف حرف ہوں میں
ہوائے شام میں مہکیں ذرا جو تو چاہے
تجھے تو علم ہے کیوں میں نے اس طرح چاہا
جو تو نے یوں نہیں چاہا تو کیا جو تو چاہے
جب ایک سانس گھسے ساتھ ایک نوٹ پسے
نظام زر کی حسیں آسیا جو تو چاہے
بس اک تری ہی شکم سیر روح ہے آزاد
اب اے اسیر کمند ہوا جو تو چاہے
ذرا شکوہ دوعالم کے گنبدوں میں لرز
پھر اس کے بعد تیرا فیصلہ جو تو چاہے
سلام ان پہ تہ تیغ بھی جنہوں نے کہا
جو تیرا حکم جو تیری رضا جو تو چاہے
جو تیرے باغ میں مزدوریاں کریں امجدؔ
کھلیں وہ پھول بھی اک مرتبہ جو تو چاہے
Bane ye zehr hi wajah-e-shifa jo tu chahe
Bane ye zehr hi wajah-e-shifa jo tu chahe
Khareed loon main ye naqli dawa jo tu chahe
Ye zard pankhadiyan jin par ke harf harf hoon main
Hawa-e-shaam mein mahkein zara jo tu chahe
Tujhe to ilm hai kyun main ne is tarah chaha
Jo tu ne yun nahin chaha to kya jo tu chahe
Jab ek saans ghise, saath ek note pise
Nizam-e-zar ki haseen asiya jo tu chahe
Bas ek teri hi shikam-sair rooh hai azad
Ab aye aseer-e-kamand-e-hawa jo tu chahe
Zara shikwa do alam ke gumbadon mein laraz
Phir us ke baad tera faisla jo tu chahe
Salam un pe teh-e-tegh bhi jinnhon ne kaha
Jo tera hukm, jo teri raza, jo tu chahe
Jo tere bagh mein mazdooriyan karein Amjad!
Khilen wo phool bhi ek martaba jo tu chahe
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں