برس گیا بہ خرابات آرزو ترا غم — مجید امجد
شاعر
برس گیا بہ خرابات آرزو ترا غم
برس گیا بہ خرابات آرزو ترا غم
قدح قدح تری یادیں سبو سبو ترا غم
ترے خیال کے پہلو سے اٹھ کے جب دیکھا
مہک رہا تھا زمانے میں چار سو ترا غم
غبار رنگ میں رس ڈھونڈھتی کرن تری دھن
گرفت سنگ میں بل کھاتی آب جو ترا غم
ندی پہ چاند کا پرتو ترا نشان قدم
خط سحر پہ اندھیروں کا رقص تو ترا غم
نخیل زیست کی چھاؤں میں نے بہ لب تری یاد
فصیل دل کی کلس پر ستارہ جو ترا غم
طلوع مہر شگفتہ سحر سیاہئ شب
تری طلب تجھے پانے کی آرزو ترا غم
نگہ اٹھی تو زمانے کے سامنے ترا روپ
پلک جھکی تو مرے دل کے روبرو ترا غم
Baras gaya ba-kharabat-e-arzoo tera gham
Baras gaya ba-kharabat-e-arzoo tera gham
Qadah qadah teri yaadein subu subu tera gham
Tere khayal ke pehlu se uth ke jab dekha
Mehak raha tha zamane mein chaar su tera gham
Ghubar-e-rang mein ras dhundhti kiran teri dhun
Giraft-e-sang mein bal khati aab-e-ju tera gham
Nadi pe chand ka partau tera nishan-e-qadam
Khat-e-sehar pe andheron ka raqs to tera gham
Nakheel-e-zeest ki chhaon mein ne ba-lab teri yaad
Faseel-e-dil ki kalas par sitara-e-ju tera gham
Tulu-e-meher, shagufta sehar, siyahi-e-shab
Teri talab, tujhe paane ki aarzoo, tera gham
Nigah uthi to zamane ke samne tera roop
Palak jhuki to mere dil ke rubaru tera gham
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں