بول انمول — مجید امجد
شاعر
بول انمول
اب یہ مسافت کیسے طے ہو اے دل تو ہی بتا
کٹتی عمر اور گھٹتے فاصلے پھر بھی وہی صحرا
چیت آیا چیتاونی بھیجی اپنا وچن نبھا
پت جھڑ آئی پتر لکھے آ جیون بیت چلا
خوشیوں کا مکھ چوم کے دیکھا دنیا مان بھری
دکھ وہ سجن کٹھور کہ جس کو روح کرے سجدہ
اپنا پیکر اپنا سایہ کالے کوس کٹھن
دوری کی جب سنگت ٹوٹی کوئی قریب نہ تھا
اپنے گرد اب اپنے آپ میں گھلتی سوچ بھلی
کس کے دوست اور کیسے دشمن سب کو دیکھ لیا
کانچ کی اک دیوار زمانہ آمنے سامنے ہم
نظروں سے نظروں کا بندھن جسم سے جسم جدا
راہیں دھڑکیں شاخیں کڑکیں اک اک ٹیس اٹل
کتنی تیز چلی ہے اب کے دھول بھری ہوا
دکھڑے کہتے لاکھوں مکھڑے کس کس کی سنئے
بولی تو اک اک کی ویسی بانی سب کی جدا
Bol Anmol
Ab yeh musafat kaise tai ho ae dil tu hi bata
Katti umar aur ghat'te faasle phir bhi wahi sehra
Cheet aaya chitaawani bheji apna vachan nibha
Pat jharh aayi patar likhe aa jeevan beet chala
Khushiyon ka mukh choom ke dekha duniya maan bhari
Dukh woh sajan kathor ke jis ko rooh kare sajda
Apna paikar apna saaya kaale koss katthan
Doori ki jab sangat tuti koi qareeb na tha
Apne gird ab apne aap mein ghulti soch bhali
Kis ke dost aur kaise dushman sab ko dekh liya
Kaanch ki ik deewar zamaana aamne saamne hum
Nazron se nazron ka bandhan jism se jism juda
Rahein dhadkein shakhein kadkein ik ik tees attal
Kitni tez chali hai ab ke dhool bhari hawa
Dukhde kehte laakhon mukhre kis kis ki suniye
Boli to ik ik ki waisi baani sab ki juda
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں