بندا — مجید امجد
شاعر
بندا
کاش میں تیرے بن گوش میں بندا ہوتا
رات کو بے خبری میں جو مچل جاتا میں
تو ترے کان سے چپ چاپ نکل جاتا میں
صبح کو گرتے تری زلفوں سے جب باسی پھول
میرے کھو جانے پہ ہوتا ترا دل کتنا ملول
تو مجھے ڈھونڈھتی کس شوق سے گھبراہٹ میں
اپنے مہکے ہوئے بستر کی ہر اک سلوٹ میں
جوں ہی کرتیں تری نرم انگلیاں محسوس مجھے
ملتا اس گوش کا پھر گوشۂ مانوس مجھے
کان سے تو مجھے ہرگز نہ اتارا کرتی
تو کبھی میری جدائی نہ گوارا کرتی
یوں تری قربت رنگیں کے نشے میں مدہوش
عمر بھر رہتا مری جاں میں ترا حلقہ بگوش
کاش میں تیرے بن گوش میں بندا ہوتا
Bunda
Kaash maiñ tere ban gosh mein bunda hotā
Rāt ko be-ḳhabrī mein jo machal jātā maiñ
To tere kān se chup chāp nikal jātā maiñ
Subah ko girte terī zulfoñ se jab bāsī phūl
Mere kho jāne pe hotā terā dil kitnā malūl
Tu mujhe ḍhūñḍhtī kis shauq se ghabrāhaṭ mein
Apne mahke hue bistar kī har ik silvaṭ mein
Jyoñ hī kartīñ terī narm uñgliyāñ mahsūs mujhe
Milta us gosh kā phir goshe-e-mānoos mujhe
Kaan se to mujhe hargiz na utārā kartī
Tu kabhī merī judā'ī na gawārā kartī
Yūñ terī qurbat-e-rañgeen ke nashe mein madhosh
Umar bhar rahtā merī jāñ maiñ terā halqa ba-gosh
Kaash maiñ tere ban gosh mein bunda hotā
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں