چاندنی میں سایہ ہائے کاخ و کو میں گھومیے — مجید امجد
شاعر
چاندنی میں سایہ ہائے کاخ و کو میں گھومیے
چاندنی میں سایہ ہائے کاخ و کو میں گھومیے
پھر کسی کو چاہنے کی آرزو میں گھومیے
شاید اک بھولی تمنا مٹتے مٹتے جی اٹھے
اور بھی اس جلوہ زار رنگ و بو میں گھومیے
روح کے دربستہ سناٹوں کو لے کر اپنے ساتھ
ہمہماتی محفلوں کی ہاؤ ہو میں گھومیے
کیا خبر کس موڑ پر مہجور یادیں آ ملیں
گھومتی راہوں پہ گرد آرزو میں گھومیے
زندگی کی راحتیں ملتی نہیں ملتی نہیں
زندگی کا زہر پی کر جستجو میں گھومیے
کنج دوراں کو نئے اک زاویے سے دیکھیے
جن خلاؤں میں نرالے چاند گھومیں گھومیے
Chāñdnī mein sāya-hāye kākh o kū mein ghūmiye
Chāñdnī mein sāya-hāye kākh o kū mein ghūmiye
Phir kisī ko chāhne kī ārzū mein ghūmiye
Shāyad ek bhūlī tamannā miṭte miṭte jī uṭhe
Aur bhī us jalva-zār-e-rang-o-bū mein ghūmiye
Rūh ke dar-basta sannāṭoñ ko le kar apne sāth
Humhumātī mahfilon kī hāo hū mein ghūmiye
Kyā khabar kis moṛ par mahjūr yāden ā milīñ
Ghūmtī rāhon pe gard-e-ārzū mein ghūmiye
Zindagī kī rāhateñ miltī nahīñ, miltī nahīñ
Zindagī kā zahr pī kar justujū mein ghūmiye
Kunj-e-daurāñ ko na.e ek zāviye se dekhiye
Jin khala'oñ mein nirāle chāñd ghūmeñ ghūmiye
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں