اک سانس کی مدھم لو تو یہی اک پل تو یہی اک چھن تو یہی — مجید امجد
شاعر
اک سانس کی مدھم لو تو یہی اک پل تو یہی اک چھن تو یہی
اک سانس کی مدھم لو تو یہی اک پل تو یہی اک چھن تو یہی
تج دو کہ برت لو دل تو یہی چن لو کہ گنوا دو دن تو یہی
لرزاں ہے لہو کی خلیجوں میں پیچاں ہے بدن کی نسیجوں میں
اک بجھتے ہوئے شعلے کا سفر کچھ دن ہو اگر کچھ دن تو یہی
بل کھائے دکھے نظروں سے رسے سانسوں میں بہے سوچوں میں جلے
بجھتے ہوئے اس شعلے کے جتن ہے کچھ بھی اگر کچھ دن تو یہی
میں ذہن پہ اپنے گہری شکن میں صدق میں اپنے بھٹکا ہوا
ان بندھنوں میں اک انگڑائی منزل ہے جو کوئی کٹھن تو یہی
اس ڈھب سے جئیں سینوں کے شرر جھونکوں میں گھلیں قدروں میں تلیں
کاوش ہے کوئی مشکل تو یہی کوشش ہے کوئی ممکن تو یہی
پھر برف گری اک گزری ہوئی پت جھڑ کی بہاریں یاد آئیں
اس رت کی نچنت ہواؤں میں ہیں کچھ ٹیسیں اتنی دکھن تو یہی
Ek saans kī madham lau to yahī ek pal to yahī ek chhin to yahī
Ek saans kī madham lau to yahī ek pal to yahī ek chhin to yahī
Taj do kih barat lo dil to yahī chun lo kih gañvā do din to yahī
Larzāñ hai lahu kī khalījon mein, pechāñ hai badan kī nasījon mein
Ek bujhte hue sho'le kā safar, kuchh din ho agar, kuchh din to yahī
Bal khāye, dukhe nazron se rase, saanson mein bahe, sochon mein jale
Bujhte hue us sho'le ke jatan hai kuchh bhī agar, kuchh din to yahī
Maiñ zehn pe apne gahrī shikan mein, sidq mein apne bhaṭkā huā
In bandhanon mein ek angṛā.ī, manzil hai jo koī kaṭhin to yahī
Is ḍhab se jiyeñ sīnon ke sharar, jhonkon mein ghulīñ, qadron mein talīñ
Kāvish hai koī mushkil to yahī, koshish hai koī mumkin to yahī
Phir barf girī, ek guzrī huī patjhaṛ kī bahāren yād ā.īñ
Is rut kī nishchint havāon mein hain kuchh ṭīseñ itnī dukhan to yahī
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں