فرد — مجید امجد
شاعر
فرد
اتنے بڑے نظام میں صرف اک میری ہی نیکی سے کیا ہوتا ہے
میں تو اس سے زیادہ کر ہی کیا سکتا ہوں
میز پر اپنی ساری دنیا
کاغذ اور قلم اور ٹوٹی پھوٹی نظمیں
ساری چیزیں بڑے قرینے سے رکھ دی ہیں
دل میں بھری ہوئی ہیں اتنی اچھی اچھی باتیں
ان باتوں کا دھیان آتا ہے تو یہ سانس بڑی ہی بیش بہا لگتی ہے
مجھ کو بھی تو کیسی کیسی باتوں سے راحت ملتی ہے
مجھ کو اس راحت میں صادق پا کر
سارے جھوٹ مری تصدیق کو آ جاتے ہیں
ایک اگر میں سچا ہوتا
میری اس دنیا میں جتنے قرینے سجے ہوئے ہیں
ان کی جگہ بے ترتیبی سے پڑے ہوئے کچھ ٹکڑے ہوتے
میرے جسم کے ٹکڑے کالے جھوٹ کے اس چلتے آرے کے نیچے
اتنے بڑے نظام سے میری اک نیکی ٹکرا سکتی تھی
اگر اک میں ہی سچا ہوتا
Fard
Itne bade nizam mein sirf ik meri hi neki se kya hota hai
Main toh is se zyada kar hi kya sakta hoon
Mez par apni saari duniya
Kaghaz aur qalam aur tooti phooti nazmein
Saari cheezein bade qareene se rakh di hain
Dil mein bhari hui hain itni achhi achhi baatein
In baaton ka dhyaan aata hai toh yeh saans badi hi besh baha lagti hai
Mujhko bhi toh kaisi kaisi baaton se rahat milti hai
Mujhko is rahat mein saadiq pa kar
Saare jhoot meri tasdeeq ko aa jaate hain
Ek agar main sachcha hota
Meri is duniya mein jitne qareene saje hue hain
Unki jagah be-tarteebi se pade hue kuch tukde hote
Mere jism ke tukde kaale jhoot ke us chalte aare ke neeche
Itne bade nizam se meri ik neki takra sakti thi
Agar ik main hi sachcha hota
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں