غریب — مجید امجد
شاعر
غریب
ننھی بھولی میلے میلے گالوں والی بے سدھ سی اک بچی
تیری جانب دیکھ رہی ہے دیکھ اس کی آنکھیں تیری توجہ کی پیاسی ہیں
اس کی نازک بے حس ٹھوڑی کو اپنی انگلی کی سنہری پور سے مس تو کر اور
اس سے اتنا تو پوچھ اچھی بلو تو کیوں چپ ہے
اور جب وہ منہ پھیر کے اپنی آنکھیں اپنے ہی چہرے پہ جھکا لے
تو ہی بڑھ کر اس کے ماتھے کو اپنے ہونٹوں سے لگا لے ہاں ایسے ہی
کیوں اس جھنجھیلو نے تجھ سے کہا کیا
یہ کیا تیری آنکھیں بھیگ گئیں کیوں
اس نے تجھ سے کہا کیا ساتوں آسمانوں کے مالک
اتنے پتلے دل والے مالک ہم بھی روز اس چہرے کی کتھا سنتے ہیں
ہم تو کڑا کر لیتے ہیں جی ایسے موقعوں پر
Ghareeb
Nanni bhooli maile maile gaalon wali be-sudh si ik bachi
Teri jaanib dekh rahi hai dekh us ki aankhein teri tawajjoh ki pyasi hain
Is ki naazuk be-hiss thodi ko apni ungli ki sunahri por se mas to kar aur
Is se itna to pooch achhi Ballo tu kyun chup hai
Aur jab woh munh pher ke apni aankhein apne hi chehre pe jhuka le
Tu hi barh kar us ke maathe ko apne honton se laga le haan aise hi
Kyun is jhan-jheelo ne tujh se kaha kya
Yeh kya teri aankhein bheeg gayin kyun
Us ne tujh se kaha kya saaton aasmaanon ke Maalik
Itne patle dil wale Maalik hum bhi roz us chehre ki katha sunte hain
Hum to kada kar lete hain ji aise mauqon par
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں