حرص — مجید امجد
شاعر
حرص
اوروں کی کیا کہیے خود میرا دل بھی انگاروں کا مطبخ ہے
سدا مری آنکھوں میں اک وہ کشش دہکتی ہے جو
سب کو اپنی جانب کھینچ کر میرے وار کی زد میں لے آتی ہے
سب کچھ میری طلب کی تشنگیوں کے دہانے پر ہے
انگاروں کے اس مطبخ میں گرنے کو ہے
گاڑھا لجز لہو اک وہ کیلوس جو انگاروں کا استحالہ ہے
اس میرے دل کی کالی قوت ہے میں جس کے پس میں ہوں
یہ قوت مجھ سے کہتی ہے
دیکھ مرے انگارے میری تڑپ کا رنگ ہیں اب کچھ تو ان کی خاطر بھی
اور انگارے اگلتی سانسوں کے ساتھ اب میں
اس دنیا کے اندر اپنے شکار کی تلاش میں
اک اک روح کی گھات میں
اک اک روح کے سامنے سوالی بن کے کھڑا ہوں
میرے دل میں انگاروں کے دندانے پیہم جڑتے اور کھلتے ہیں
باہر کسی کرم کی بناوٹ میں ہونٹ ایک اونکھا ٹھہرا ٹھہرا ٹیڑھا زاویہ سا ہیں
کوئی مجھے اب پہچانے گا
کس طرح ہنس ہنس کر مجھ سے ملتی ہے دنیا بد بخت
Hirs
Auron ki kya kahiye khud mera dil bhi angaaron ka matbakh hai
Sada meri aankhon mein ik woh kashish dehakti hai jo
Sab ko apni jaanib kheench kar mere waar ki zad mein le aati hai
Sab kuch meri talab ki tashnagioun ke dahane par hai
Angaaron ke is matbakh mein girne ko hai
Gaarha lajz lahoo ik woh kailos jo angaaron ka istihala hai
Is mere dil ki kaali quwwat hai main jis ke pas mein hoon
Yeh quwwat mujh se kehti hai
Dekh mere angaare meri tarap ka rang hain ab kuch to in ki khaatir bhi
Aur angaare ugalti saanson ke saath ab main
Is duniya ke andar apne shikaar ki talaash mein
Ik ik rooh ki ghaat mein
Ik ik rooh ke saamne sawaali ban ke khada hoon
Mere dil mein angaaron ke dandaan paiham jurte aur khulte hain
Baahar kisi karam ki banawat mein honth ek unokha thehra thehra terha zaawiya sa hain
Koi mujhe ab pehchane ga
Kis tarah hans hans kar mujh se milti hai duniya bad bakht
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں