جب اک چراغ راہ گزر کی کرن پڑے — مجید امجد
شاعر
جب اک چراغ راہ گزر کی کرن پڑے
جب اک چراغ راہ گزر کی کرن پڑے
ہونٹوں کی لو لطیف حجابوں سے چھن پڑے
شاخ ابد سے جھڑتے زمانوں کا روپ ہے
یہ لوگ جن کے رخ پہ گمان چمن پڑے
یہ کس حسیں دیار کی ٹھنڈی ہوا چلی
ہر موجۂ خیال پہ صد ہا شکن پڑے
یہ کون ہے لبوں میں رسیلی رتیں گھلیں
پلکوں کی اوٹ نیند میں گلگوں گگن پڑے
اک پل بھی کوئے دل میں نہ ٹھہراؤ رہ نورد
اب جس کے نقش پا میں چمن در چمن پڑے
اک جست اس طرف بھی غزال زمانہ رقص
رہ تیری دیکھتے ہیں خطا و ختن پڑے
جب انجمن توجہ صد گفتگو میں ہو
میری طرف بھی اک نگہ کم سخن پڑے
صحرائے زندگی میں جدھر بھی قدم اٹھے
رستے میں ایک آرزوؤں کا چمن پڑے
اس جلتی دھوپ میں یہ گھنے سایہ دار پیڑ
میں اپنی زندگی انہیں دے دوں جو بن پڑے
اے شاطر ازل ترے ہاتھوں کو چوم لوں
قریے میں میرے نام جو دیوانہ پن پڑے
اے صبح دیر خیز انہیں آواز دے جو ہے
اک شام زود خواب کے سکھ میں مگن پڑے
امجدؔ طریق مے میں ہے یہ احتیاط شرط
اک داغ بھی کہیں نہ سر پیرہن پڑے
Jab ek charāgh rāh-guzar kī kiran paṛe
Jab ek charāgh rāh-guzar kī kiran paṛe
Honṭon kī lau latīf hijābon se chhan paṛe
Shākh-e-abad se jhaṛte zamānon kā rūp hai
Ye log jin ke rukh pe gumān-e-chaman paṛe
Ye kis hasīn diyār kī ṭhanḍī havā chalī
Har mauja-e-khayāl pe sad-hā shikan paṛe
Ye kaun hai labon mein rasīlī ruten ghulīn
Palkon kī oṭ nīnd mein gulgūn gagan paṛe
Ek pal bhī kū-e-dil mein na ṭhahrāo rah-navard
Ab jis ke naqsh-e-pā mein chaman dar chaman paṛe
Ek just us taraf bhī ghazāl-e-zamāna raqs
Rah terī dekhte hain k͟hatā o khutan paṛe
Jab anjuman tavajjoh sad guftagū mein ho
Merī taraf bhī ek nigah kam-sukhan paṛe
Sehrā-e-zindagī mein jidhar bhī qadam uṭhe
Raste mein ek ārzūoñ kā chaman paṛe
Is jaltī dhūp mein ye ghane sāya-dār peṛ
Main apnī zindagī unheñ de dūñ jo ban paṛe
Ai Shāṭir-e-azal tere hāthon ko chūm lūñ
Qarye mein mere nām jo dīvāna-pan paṛe
Ai subah-e-der-khez unheñ āvāz de jo hai
Ek shām-e-zūd-khwāb ke sukh mein magan paṛe
Amjad! Tarīq-e-may mein hai ye ihtiyāt shart
Ek dāgh bhī kahīñ na sar-e-pairāhan paṛe
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں