جس بھی روح کا — مجید امجد
شاعر
جس بھی روح کا
جس بھی روح کا گھونگھٹ سرکاؤ۔۔۔ نیچے اک
منفعت کا رخ اپنے اطمینانوں میں روشن ہے
ہم سمجھتے تھے گھرتے امڈتے بادلوں کے نیچے جب ٹھنڈی ہوا چلے گی
دن بدلیں گے
لیکن اب دیکھا ہے گھنے گھنے سایوں کے نیچے
زندگیوں کی سلسبیلوں میں
ڈھکی ڈھکی جن نالیوں سے پانی آ آ کر گرتا ہے
سب زیر زمین نظاموں کی نیلی کڑیاں ہیں
سب تملیکیں ہیں سب تذلیلیں ہیں
کون سہارا دے گا ان کو جن کے لیے سب کچھ اک کرب ہے
کون سہارا دے گا ان کو جن کا سہارا آسمانوں کے خلاؤں میں بکھرا ہوا
دھندلا دھندلا اک عکس ہے
میں ان عکسوں کا عکاس ہوں
Jis Bhi Rooh Ka
Jis bhi rooh ka ghoonghat sarkao.... Neeche ek
Manfaat ka rukh apne itmenanon mein roshan hai
Hum samajhte the ghadte umadte baadlon ke neeche jab thandi hawa chalegi
Din badlenge
Lekin ab dekha hai ghane ghane saayon ke neeche
Zindagi-yon ki salsabeelon mein
Dhaki dhaki jin naliyon se paani aa aa kar girta hai
Sab zer-e-zameen nizam-on ki neeli kadiyan hain
Sab tamleekein hain sab tazleelein hain
Kaun sahara dega in ko jin ke liye sab kuch ek karb hai
Kaun sahara dega in ko jin ka sahara aasmanon ke khalaon mein bikhra hua
Dhundla dhundla ek aks hai
Main un akson ka akkas hoon
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں