جو دل نے کہہ دی ہے وہ بات ان کہی بھی نہ تھی — مجید امجد
شاعر
جو دل نے کہہ دی ہے وہ بات ان کہی بھی نہ تھی
جو دل نے کہہ دی ہے وہ بات ان کہی بھی نہ تھی
یہ موج تو تہ دریا کبھی رہی بھی نہ تھی
جھکیں جو سوچتی پلکیں تو میری دنیا کو
ڈبو گئی وہ ندی جو ابھی بہی بھی نہ تھی
سرک گیا کوئی سایا سمٹ گیا کوئی دور
کسی کے عکس کی پیاسی کشش سہی بھی نہ تھی
سنی جو بات کوئی ان سنی تو یاد آیا
وہ دل کہ جس کی کہانی کبھی کہی بھی نہ تھی
نگر نگر وہی آنکھیں پس زماں پس در
مری خطا کی سزا عمر گمرہی بھی نہ تھی
کسی کی روح تک اک فاصلہ خیال کا تھا
کبھی کبھی تو یہ دوری رہی سہی بھی نہ تھی
نشے کی رو میں یہ جھلکا ہے کیوں نشے کا شعور
اس آگ میں تو کوئی آب آگہی بھی نہ تھی
غموں کی راکھ سے امجدؔ وہ غم طلوع ہوئے
جنہیں نصیب اک آہ سحر گہی بھی نہ تھی
Jo dil ne keh di hai woh baat an-kahi bhi na thi
Jo dil ne keh di hai woh baat an-kahi bhi na thi
Ye mauj to teh-e-darya kabhi rahi bhi na thi
Jhukien jo sochti palkein to meri duniya ko
Dubo gayi woh nadi jo abhi bahi bhi na thi
Sarak gaya koi saya simat gaya koi duur
Kisi ke aks ki pyasi kashish sahi bhi na thi
Suni jo baat koi an-suni to yaad aaya
Woh dil ke jis ki kahani kabhi kahi bhi na thi
Nagar nagar wahi aankhein pas-e-zamaan pas-e-dar
Meri khata ki saza umr-e-gum-rahi bhi na thi
Kisi ki rooh tak ek fasla khayal ka tha
Kabhi kabhi to ye doori rahi sahi bhi na thi
Nashe ki rau mein ye jhalka hai kyun nashe ka shaoor
Is aag mein to koi aab-e-aagahi bhi na thi
Ghamon ki rakh se Amjad! Woh gham tulu hue
Jinhen naseeb ek aah-e-sehar-gahi bhi na thi
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں