کبھی کبھی تو زندگیاں — مجید امجد
شاعر
کبھی کبھی تو زندگیاں
کبھی کبھی تو زندگیاں کچھ اتنے وقت میں اپنی مرادیں حاصل کر لیتی ہیں
جتنے وقت میں لقمہ پلیٹ سے منہ میں پہنچتا ہے۔۔۔ اور
اکثر ایسی مرادوں کی تو پہنچ بھی لقموں تک ہوتی ہے
اور جب ایسی منزلیں بارور ہوتی ہیں تو شہر پنپتے ہیں اور گاؤں پھبکتے ہیں۔۔۔ اور
تہذیبوں کی منڈیوں میں ہر جانب قسطاسوں کی ٹیڑھی ڈنڈیاں روز و شب تیزی تیزی سے
انسانوں کی جھولیوں میں رزقوں کی دھڑیاں الٹتی ہیں اور
بھرے سماجوں میں شدھ تلقینوں کی ڈونڈیاں پیٹنے والے بھی اپنی اپنی پیغمبریوں کی تنخواہیں پاتے ہیں
لیکن کس کو خبر ہے ایسی بھی ہیں منزلیں جن تک جانے والے راستوں پر نہ دعا کا سایہ ہے نہ قضا کا گڑھا ہے
کچھ ہے بھی تو بس اپنی سوچوں کی دھجیوں میں سمٹی ہوئی اک بے چارگی جس کی بے صدا
ہوک میں عمریں ڈوب جاتی ہیں
اور قطبوں سے قطبوں تک اڑ اڑ کر جانے والے تھکے پروں کی کمانیں بھی تو
اک منزل پہ چمکتی آبناؤں کی سمت لچک جاتی ہیں
لیکن ہائے وہ منزلیں جن تک ہر سچائی رستہ ہے اور ہر سچائی موت کا جیتا نام ہے
Kabhi Kabhi To Zindagiyan
Kabhi kabhi to zindagiyan kuch itne waqt mein apni muraadein haasil kar leti hain
Jitne waqt mein luqma plate se munh mein pahunchta hai... aur
Aksar aisi muraadon ki to pahunch bhi luqmon tak hoti hai
Aur jab aisi manzilein baawar hoti hain to shahar panapte hain aur gaon phabakte hain... aur
Tehzeebon ki mandiyon mein har jaanib qistaason ki terhi dandiyan roz-o-shab tezi tezi se
Insanon ki jholiyon mein rizqon ki dhariyan ulatti hain aur
Bhare samaajon mein shudh talqeenon ki dondiyan peetne wale bhi apni apni paighambariyon ki tankhwahin paate hain
Lekin kis ko khabar hai aisi bhi hain manzilein jin tak jaane wale raaston par na dua ka saaya hai na qaza ka gaddha hai
Kuch hai bhi to bas apni sochoun ki dhajjiyon mein simti hui ik be-chaargi jis ki be-sada
Hook mein umrein doob jaati hain
Aur qutbon se qutbon tak ur ur kar jaane wale thake paron ki kamanein bhi to
Ik manzil pe chamakti aabnaaon ki simt lachak jaati hain
Lekin haaye woh manzilein jin tak har sachchai rasta hai aur har sachchai maut ka jeeta naam hai
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں