کبھی تو سوچ ترے سامنے نہیں گزرے — مجید امجد
شاعر
کبھی تو سوچ ترے سامنے نہیں گزرے
کبھی تو سوچ ترے سامنے نہیں گزرے
وہ سب سمے جو ترے دھیان سے نہیں گزرے
یہ اور بات کہ ہوں ان کے درمیاں میں بھی
یہ واقعے کسی تقریب سے نہیں گزرے
ان آئنوں میں جلے ہیں ہزار عکس عدم
دوام درد ترے رت جگے نہیں گزرے
سپردگی میں بھی اک رمز خود نگہ داری
وہ میرے دل سے مرے واسطے نہیں گزرے
بکھرتی لہروں کے ساتھ ان دنوں کے تنکے بھی تھے
جو دل میں بہتے ہوئے رک گئے نہیں گزرے
انہیں حقیقت دریا کی کیا خبر امجدؔ
جو اپنی روح کی منجدھار سے نہیں گزرے
Kabhi to soch tere samne nahin guzre
Kabhi to soch tere samne nahin guzre
Woh sab samay jo tere dhyan se nahin guzre
Yeh aur baat ke hon un ke darmiyan mein bhi
Yeh waqeye kisi taqreeb se nahin guzre
In aainon mein jale hain hazaar aks-e-adam
Dawaam-e-dard tere rat-jage nahin guzre
Supurdagi mein bhi ek ramz-e-khud-nigah-dari
Woh mere dil se mere waste nahin guzre
Bikharti lehron ke saath un dinon ke tinke bhi the
Jo dil mein behte hue ruk gaye nahin guzre
Inhein haqeeqat-e-darya ki kya khabar Amjad!
Jo apni rooh ki manjhdhaar se nahin guzre
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں