کون دیکھے گا — مجید امجد
شاعر
کون دیکھے گا
جو دن کبھی نہیں بیتا وہ دن کب آئے گا
انہی دنوں میں اس اک دن کو کون دیکھے گا
اس ایک دن کو جو سورج کی راکھ میں غلطاں
انہی دنوں کی تہوں میں ہے کون دیکھے گا
اس ایک دن کو جو ہے عمر کے زوال کا دن
انہیں دنوں میں نمویاب کون دیکھے گا
یہ ایک سانس جھمیلوں بھری جگوں میں رچی
اس اپنی سانس میں کون اپنا انت دیکھے گا
اس اپنی مٹی میں جو کچھ امٹ ہے مٹی ہے
جو دن ان آنکھوں نے دیکھا ہے کون دیکھے گا
میں روز ادھر سے گزرتا ہوں کون دیکھتا ہے
میں جب ادھر سے نہ گزروں گا کون دیکھے گا
دو رویہ ساحل دیوار اور پس دیوار
اک آئنوں کا سمندر ہے کون دیکھے گا
ہزار چہرے خود آرا ہیں کون جھانکے گا
مرے نہ ہونے کی ہونی کو کون دیکھے گا
تڑخ کے گرد کی تہ سے اگر کہیں کچھ پھول
کھلے بھی، کوئی تو دیکھے گا کون دیکھے گا
Kaun Dekhe Ga
Jo din kabhī nahīñ beet'tā woh din kab ā'e gā
Unhīñ dinoñ mein us ik din ko kaun dekhe gā
Us ek din ko jo sūraj kī raakh mein ghalṭāñ
Unhīñ dinoñ kī tahoñ mein hai kaun dekhe gā
Us ek din ko jo hai umar ke zawāl kā din
Unhīñ dinoñ mein namūyāb kaun dekhe gā
Yeh ek sāñs jheeloñ bharī juggõ mein rachī
Us apnī sāñs mein kaun apnā ant dekhe gā
Us apnī miṭṭī mein jo kuchh umaṭ hai miṭṭī hai
Jo din un āñkhoñ ne dekhā hai kaun dekhe gā
Maiñ roz idhar se guzartā hūñ kaun dekhtā hai
Maiñ jab idhar se na guzrūñ gā kaun dekhe gā
Do raviya sāhil deewār aur pas-e-deewār
Ik ā'inoñ kā samundar hai kaun dekhe gā
Hazār chehre ḳhud-ārā haiñ kaun jhānke gā
Mere na hone kī honī ko kaun dekhe gā
Taṛaḳh ke gard kī tah se agar kahīñ kuchh phūl
Khule bhī, koī to dekhe gā kaun dekhe gā
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں