خودکشی — مجید امجد
شاعر
خودکشی
ہاں میں نے بھی سنا ہے تمہارے پڑوس میں
کل رات ایک حادثۂ قتل ہو گیا
ہاں میں نے بھی سنا ہے کہ اک جام زہر کا
دو جیونوں کی ننھی سی نوکا ڈبو گیا
کوئی دکھی جوان وطن اپنا چھوڑ کر
اپنی سکھی کے ساتھ اک اور دیس کو گیا
دنیا کے خارزار میں سو ٹھوکروں کے بعد
یوں آخر ان کا قصۂ غم ختم ہو گیا
یوں طے کیا انہوں نے محبت کا مرحلہ
ایک ایک گھونٹ اور جو ہونا تھا ہو گیا
دونوں کی آنکھ میں تھا اک اک اشک منجمد
جو خشک خشک پلکوں کی نوکیں بھگو گیا
کچھ کہنے پائی تھی کہ وہ خاموش ہو گئی
کوئی جواب دینے کو تھا وہ کہ سو گیا
پیمانۂ اجل کا وہ تلخابہ اس طرح
روحوں کے زخموں سینوں کے داغوں کو دھو گیا
اکثر یونہی ہوا ہے کہ الفت کا امتحاں
دشواریوں میں موت کی آسان ہو گیا
آؤ نا ہم بھی توڑ دیں اس دام زیست کو
سنگ اجل پہ پھوڑ دیں اس جام زیست کو
Khudkushi
Haan, maine bhi suna hai tumhare pados mein
Kal raat ek hadisa-e-qatl ho gaya
Haan, maine bhi suna hai ke ik jaam zehar ka
Do jeevanon ki nanhi si nauka dubo gaya
Koi dukhi jawan watan apna chhod kar
Apni sakhi ke saath ik aur des ko gaya
Duniya ke kharzar mein sau thokaroun ke baad
Yun aakhir unka qissa-e-gham khatam ho gaya
Yun tai kiya unhon ne muhabbat ka marhala
Ek ek ghoont aur jo hona tha ho gaya
Donon ki aankh mein tha ik ik ashk-e-munjamid
Jo khushk khushk palkon ki nokein bhigo gaya
Kuch kehne paayi thi ke woh khamosh ho gayi
Koi jawab dene ko tha woh ke so gaya
Paimana-e-ajal ka woh talkh-aaba is tarah
Roohon ke zakhmon, seenon ke daaghon ko dho gaya
Aksar yunhi hua hai ke ulfat ka imtihan
Dushwariyon mein maut ki aasan ho gaya
Aao na hum bhi tod dein us daam-e-zeest ko
Sang-e-ajal pe phod dein us jaam-e-zeest ko
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں