منٹو — مجید امجد
شاعر
منٹو
میں نے اس کو دیکھا ہے
اجلی اجلی سڑکوں پر اک گرد بھری حیرانی میں
پھیلتی بھیڑ کے اوندھے اوندھے کٹوروں کی طغیانی میں
جب وہ خالی بوتل پھینک کے کہتا ہے
''دنیا! تیرا حسن، یہی بد صورتی ہے''
دنیا اس کو گھورتی ہے
شور سلاسل بن کر گونجنے لگتا ہے
انگاروں بھری آنکھوں میں یہ تند سوال
کون ہے یہ جس نے اپنی بہکی بہکی سانسوں کا جال
بام زماں پر پھینکا ہے
کون ہے جو بل کھاتے ضمیروں کے پر پیچ دھندلکوں میں
روحوں کے عفریت کدوں کے زہر اندوز محلکوں میں
لے آیا ہے یوں بن پوچھے اپنے آپ
عینک کے برفیلے شیشوں سے چھنتی نظروں کی چاپ
کون ہے یہ گستاخ
تاخ تڑاخ!
Manto
Maiñ ne us ko dekhā hai
Ujlī ujlī saṛkoñ par ik gard bharī hairānī mein
Phailtī bheeṛ ke aundhe aundhe kaṭoroñ kī tuġhyānī mein
Jab woh ḳhālī botal pheñk ke kahtā hai
''Duniyā! terā husn, yahī bad-sūratī hai''
Duniyā us ko ghūrtī hai
Shor salāsil ban kar gūñjne lagtā hai
Angāroñ bharī āñkhoñ mein yeh tund savāl
Kaun hai yeh jis ne apnī bahkī bahkī sāñsoñ kā jāl
Bām-e-zamāñ par pheñkā hai
Kaun hai jo bal khāte zameeroñ ke pur-pech dhundalkoñ mein
Rūhoñ ke ifreet-kadoñ ke zahr-andoz mahlakoñ mein
Le āyā hai yūñ bin pūchhe apne aap
Ainak ke barfeelay sheeshoñ se chhintī nazroñ kī chāp
Kaun hai yeh gustāḳh
Tāḳh taṛāḳh!
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں