مہکتے میٹھے مستانے زمانے — مجید امجد
شاعر
مہکتے میٹھے مستانے زمانے
مہکتے میٹھے مستانے زمانے
کب آئیں گے وہ من مانے زمانے
جو میرے کنج دل میں گونجتے ہیں
نہیں دیکھے وہ دنیا نے زمانے
تری پلکوں کی جنبش سے جو ٹپکا
اسی اک پل کے افسانے زمانے
تری سانسوں کی سوغاتیں بہاریں
تری نظروں کے نذرانے زمانے
کبھی تو میری دنیا سے بھی گزرو
لئے آنکھوں میں انجانے زمانے
انہی کی زندگی جو چل پڑے ہیں
تری موجوں سے ٹکرانے زمانے
میں فکر راز ہستی کا پرستار
مری تسبیح کے دانے زمانے
Mehakte meethe mastane zamane
Mehakte meethe mastane zamane
Kab aayenge wo man-maane zamane
Jo mere kunj-e-dil mein goonjte hain
Nahin dekhe wo duniya ne zamane
Teri palkon ki jumbish se jo tapka
Usi ek pal ke afsane zamane
Teri saanson ki saughatein baharein
Teri nazron ke nazrane zamane
Kabhi to meri duniya se bhi guzro
Liye aankhon mein anjaane zamane
Inhi ki zindagi jo chal pade hain
Teri maujon se takrane zamane
Main fikr-e-raz-e-hasti ka parastar
Meri tasbeeh ke daane zamane
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں