میری مانند خود نگر تنہا — مجید امجد
شاعر
میری مانند خود نگر تنہا
میری مانند خود نگر تنہا
یہ صراحی میں پھول نرگس کا
اتنی شمعیں تھیں تیری یادوں کی
اپنا سایہ بھی اپنا سایہ نہ تھا
میرے نزدیک تیری دوری تھی
کوئی منزل تھی کوئی عالم تھا
ہائے وہ زندگی فریب آنکھیں
تو نے کیا سوچا میں نے کیا سمجھا
صبح کی دھوپ ہے کہ رستوں پر
منجمد بجلیوں کا اک دریا
گھنگھروؤں کی جھنک منک میں بسی
تیری آہٹ! میں کس خیال میں تھا
پھر کہیں دل کے برج پر کوئی عکس
فاصلوں کی فصیل سے ابھرا
پھول مرجھا نہ جائیں بجروں میں
مانجھیو کوئی گیت ساحل کا
وقت کی سرحدیں سمٹ جاتیں
تیری دوری سے کچھ بعید نہ تھا
عمر جلتی ہے بخت جلووں کے
زیست مٹتی ہے بھاگ مٹی کا
رہیں دردوں کی چوکیاں چوکس
پھول لوہے کی باڑ پر بھی کھلا
جو خود ان کے دلوں میں تھا تہ سنگ
وہ خزانہ کسی کسی کو ملا
لاکھ قدریں تھیں زندگانی کی
یہ محیط اک عجیب زاویہ تھا
ہے جو یہ سر پہ گیان کی گٹھری
کھول کر بھی اسے کبھی دیکھا
روز جھکتا ہے کوئے دل کی طرف
کاخ صد بام کا کوئی زینا
Meri manind khud nagar tanha
Meri manind khud nagar tanha
Yeh surahi mein phool nargis ka
Itni shama'ein thin teri yaadon ki
Apna saaya bhi apna saaya na tha
Mere nazdeek teri doori thi
Koi manzil thi koi aalam tha
Haaye woh zindagi fareb aankhein
Tu ne kya socha main ne kya samjha
Subh ki dhoop hai ke raston par
Munjamid bijliyon ka ek darya
Ghunghruon ki jhanak manak mein basi
Teri aahat! Main kis khayal mein tha
Phir kahin dil ke burj par koi aks
Faslon ki faseel se ubhra
Phool murjha na ja'ein bajron mein
Manjhio koi geet saahil ka
Waqt ki sarhad'ein simat jaatin
Teri doori se kuch ba'eed na tha
Umar jalti hai bakht jalwon ke
Zeest mitti hai bhaag mitti ka
Rahein dardon ki chokiyan chaukas
Phool lohe ki baarh par bhi khila
Jo khud un ke dilon mein tha teh-e-sang
Woh khazana kisi kisi ko mila
Lakh qadrein thin zindagani ki
Yeh muheet ek ajeeb zawiya tha
Hai jo yeh sar pe gyan ki gathri
Khol kar bhi usay kabhi dekha
Roz jhukta hai koo-e-dil ki taraf
Kaakh sad baam ka koi zeena
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں