نظم — مجید امجد
شاعر
نظم
اور پھر اک دن میں اور تم ان اونچی نیچی دیواروں کے جھرمٹ میں اترے
جن میں کبھی ہماری روحوں کو زندہ چن دیا گیا تھا
اس وقت آنگن آنگن میں ترچھی کرنوں نے دھوپ کے کنگرے سایوں کی قاشوں میں ٹانک دیے تھے
دیکھا ہوا سا کوئی سماں پرانا اس دن ہم نے دیکھا
یوں لگتا تھا جیسے آسمانوں کی روشنیاں جھک جھک کر اس اک قریے کو دیکھ رہی تھیں
اور ہمیں تب وہ دن یاد آئے جب موت ہماری زندگیوں سے گزر رہی تھی ایسی ہی صبحوں کی اوٹ میں
ہم ان زینہ بہ زینہ منڈیروں کے جھرمٹ میں تھے
اور اس شہر کے لوگ اب بھی گلیوں میں خوانچے لگائے اپنی زندگیوں کو سج رہے تھے
اور پھر ہم نے سوچا
کون اچھا ہے ہم جو مردہ چہروں سے جینے کی خواہش پاتے ہیں یا وہ جو
ہم کو زندہ دیکھ کے ہماری موت کو مان لیتے ہیں
ابھی ابھی تو میرے ساتھ ساتھ تھے ہم اسے گزرے ہوئے زمانوں کے خیالو پھر کب لوٹو گے
اک دن پھر بھی تمہارے ساتھ اس خاک کے تختے تک جاؤں گا
جس سے ڈھکے ہوئے بے نور گڑھوں میں
کچھ نادیدہ آنکھیں ہم کو دیکھ کے اب بھی ہنس ہنس اٹھتی نظر آتی ہیں
Nazm
Aur phir ek din mein aur tum un oonchi neechi deewaron ke jhurmut mein utre
Jin mein kabhi hamari roohon ko zinda chun diya gaya tha
Us waqt aangan aangan mein tirchhi kiranon ne dhoop ke kangure saayon ki qashon mein taank diye the
Dekha hua sa koi samaan purana us din hum ne dekha
Yoon lagta tha jaise aasmanon ki roshniyan jhuk jhuk kar us ek qariye ko dekh rahi thi
Aur humein tab woh din yaad aaye jab maut hamari zindagi-yon se guzar rahi thi aisi hi subahon ki oat mein
Hum un zeena ba zeena mundairon ke jhurmut mein the
Aur is shahar ke log ab bhi galiyon mein khwanche lagaye apni zindagi-yon ko saj rahe the
Aur phir hum ne socha
Kaun acha hai hum jo murda chehron se jeene ki khwahish paate hain ya woh jo
Hum ko zinda dekh ke hamari maut ko maan lete hain
Abhi abhi toh mere saath saath the hum usay guzre hue zamaanon ke khayalo phir kab lautoge
Ek din phir bhi tumhare saath us khaak ke takhte tak jaunga
Jis se dhake hue be-noor gadhon mein
Kuchh nadeeda aankhein hum ko dekh ke ab bhi hans hans uthti nazar aati hain
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں