پھر تو سب ہم درد بہت افسوس کے ساتھ یہ کہتے تھے — مجید امجد
شاعر
پھر تو سب ہم درد بہت افسوس کے ساتھ یہ کہتے تھے
پھر تو سب ہم درد بہت افسوس کے ساتھ یہ کہتے تھے
خود ہی لڑے بھنور سے کیوں زحمت کی ہم جو بیٹھے تھے
دلوں کے علموں سے وہ اجالا تھا ہر چہرہ کالا تھا
یوں تو کسی نے اپنے بھید کسی کو نہیں بتائے تھے
ماتھے جب سجدوں سے اٹھے تو صفوں صفوں جو فرشتے تھے
سب اس شہر کے تھے اور ہم ان سب کے جاننے والے تھے
اہل حضور کی بات نہ پوچھو کبھی کبھی ان کے دن بھی
سوز صفا کی اک صفراوی اکتاہٹ میں کٹتے تھے
قالینوں پر بیٹھ کے عظمت والے سوگ میں جب روئے
دیمک لگے ضمیر اس عزت غم پر کیا اترائے تھے
جن کی جیبھ کے کنڈل میں تھا نیش عقرب کا پیوند
لکھا ہے ان بدسخنوں کی قوم پہ اژدر برسے تھے
جن کے لہو سے نکھر رہی ہیں یہ سرسبز ہمیشگیاں
ازلوں سے وہ صادق جذبوں طیب رزقوں والے تھے
Phir to sab humdard bahut afsos ke saath yeh kehte the
Phir to sab humdard bahut afsos ke saath yeh kehte the
Khud hi lade bhanwar se kyoon zehmat ki hum jo baithe the
Dilon ke aalamon se woh ujaala tha har chehra kala tha
Yun to kisi ne apne bhed kisi ko nahin bataye the
Maathe jab sajdon se uthe to safon safon jo farishte the
Sab us shehr ke the aur hum un sab ke jan'ne wale the
Ahl-e-huzoor ki baat na poocho kabhi kabhi un ke din bhi
Soz-e-safa ki ek safravi uktaahat mein kat'te the
Qaleenon par baith ke azmat wale sog mein jab roye
Deemak lage zameer us izzat-e-gham par kya itraye the
Jin ki jeebh ke kundal mein tha nesh-e-aqrab ka paiwand
Likha hai un bad-sukhanon ki qaum pe azhdar barse the
Jin ke lahu se nikhar rahi hain yeh sarsabz hameshgiyan
Azalon se woh sadiq jazbon tayyab rizqon wale the
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں