قریب دل خروش صد جہاں ہم — مجید امجد
شاعر
قریب دل خروش صد جہاں ہم
قریب دل خروش صد جہاں ہم
جو تم سن لو تمہاری داستاں ہم
کسی کو چاہنے کی چاہ میں گم
جئے بن کر نگاہ تشنگاں ہم
ہر اک ٹھوکر کی زد میں لاکھ منزل
ہمیں ڈھونڈو نصیب گمرہاں ہم
ہمیں سمجھو نگاہ ناز والو
لبوں پر کانپتا حرف بیاں ہم
بجھی سمتوں کی اس نگری میں امجدؔ
ابھرتے آفتابوں کی کماں ہم
Qarīb-e-dil-k͟harosh sad jahāñ ham
Qarīb-e-dil-k͟harosh sad jahāñ ham
Jo tum sun lo tumhārī dāstāñ ham
Kisī ko chāhne kī chāh mein gum
Jiye ban kar nigāh-e-tishnagāñ ham
Har ek ṭhokar kī zad mein lākh manzil
Hameñ ḍhūñḍho nasīb-e-gumrāhāñ ham
Hameñ samjho nigāh-e-nāz wālo
Labon par kāñptā harf-e-bayāñ ham
Bujhī simtoñ kī is nagrī mein Amjad!
Ubharte āftābon kī kamāñ ham
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں