سپاہی — مجید امجد
شاعر
سپاہی
تم اس وقت کیا تھے
تمہارے محلوں تمہارے گھروں میں تو سب کچھ تھا
آسائشیں بھی وسیلے بھی
اس کبریائی کی تمکنت بھی
سبھی کچھ تمہارے تصرف میں تھا زندگی کا ہر اک آسرا بھی
کڑے بام و در بھی
چمن بھی ثمر بھی
مگر تم خود اس وقت کیا تھے
تمہاری نگاہوں میں دنیا دھوئیں کا بھنور تھی
جب اڑتی ہلاکت کے شہ پر تمہارے سروں پر سے گزرے
تمہاری نگاہوں میں دنیا دھوئیں کا بھنور تھی
اگر اس مقدس زمیں پر
مرا خوں نہ بہتا
اگر دشمنوں کے گرانڈیل ٹینکوں کے نیچے
مری کڑکڑاتی ہوئی ہڈیاں خندقوں میں نہ ہوتیں
تو دوزخ کے شعلے تمہارے معطر گھروندوں کی دہلیز پر تھے
تمہارے ہر اک بیش قیمت اثاثے کی قیمت
اس سرخ مٹی سے ہے جس میں میرا لہو رچ گیا ہے
Sipahi
Tum is waqt kya the
Tumhare mahalon tumhare gharon mein to sab kuch tha
Aasaishain bhi waseele bhi
Is kibriyai ki tamkanat bhi
Sabhi kuch tumhare tasarruf mein tha zindagi ka har ek aasra bhi
Kade baam o dar bhi
Chaman bhi samar bhi
Magar tum khud is waqt kya the
Tumhari nigahon mein duniya dhuein ka bhanwar thi
Jab udti halakat ke shah par tumhare saron par se guzre
Tumhari nigahon mein duniya dhuein ka bhanwar thi
Agar is muqaddas zameen par
Mera khoon na behta
Agar dushmanon ke grandeel tankon ke neeche
Meri kadkadati hui haddiyan khandaqon mein na hoteen
To dozakh ke shole tumhare mu'attar gharoundon ki dehleez par the
Tumhare har ek besh qeemat asaasay ki qeemat
Is surkh mitti se hai jis mein mera lahoo rach gaya hai
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں