توسیع شہر — مجید امجد
شاعر
توسیع شہر
بیس برس سے کھڑے تھے جو اس گاتی نہر کے دوار
جھومتے کھیتوں کی سرحد پر بانکے پہرے دار
گھنے سہانے چھاؤں چھڑکتے بور لدے چھتنار
بیس ہزار میں بک گئے سارے ہرے بھرے اشجار
جن کی سانس کا ہر جھونکا تھا ایک عجیب طلسم
قاتل تیشے چیر گئے ان ساونتوں کے جسم
گری دھڑام سے گھائل پیڑوں کی نیلی دیوار
کٹتے ہیکل جھڑتے پنجر چھٹتے برگ و بار
سہی دھوپ کے زرد کفن میں لاشوں کے انبار
آج کھڑا میں سوچتا ہوں اس گاتی نہر کے دوار
اس مقتل میں صرف اک میری سوچ لہکتی ڈال
مجھ پر بھی اب کاری ضرب اک اے آدم کی آل
Tausee-e-Shehar
Bees baras se khaṛe the jo is gātī nahar ke dwār
Jhoomte khetõ kī sarhad par bāñke pehre-dār
Ghane suhāne chhā'oñ chhiṛakte bor lade chhatnar
Bees hazār mein bik ga'e sāre hare bhare ashjār
Jin kī sāñs kā har jhoñkā thā ek ajeeb tilism
Qātil teshe cheer ga'e un sāwantõ ke jism
Girī dhaṛām se ghā'il peṛõ kī neelī deewār
Kaṭte haikal jhaṛte pañjar chhuṭte barg-o-bār
Sihī dhoop ke zard kafan mein lāshõ ke ambār
Aaj khaṛā maiñ sochtā hūñ is gātī nahar ke dwār
Is maqtal mein sirf ik merī soch lahaktī ḍāl
Mujh par bhī ab kārī zarb ik ae ādam kī āl
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں