ترے فرق ناز پہ تاج ہے مرے دوش غم پہ گلیم ہے — مجید امجد
شاعر
ترے فرق ناز پہ تاج ہے مرے دوش غم پہ گلیم ہے
ترے فرق ناز پہ تاج ہے مرے دوش غم پہ گلیم ہے
تری داستاں بھی عظیم ہے مری داستاں بھی عظیم ہے
مری کتنی سوچتی صبحوں کو یہ خیال زہر پلا گیا
کسی تپتے لمحے کی آہ ہے کہ خرام موج نسیم ہے
تہ خاک کرمک دانہ جو بھی شریک رقص حیات ہے
نہ بس ایک جلوۂ طور ہے نہ بس ایک شوق کلیم ہے
یہ ہر ایک سمت مسافتوں میں گندھی پڑی ہیں جو ساعتیں
تری زندگی مری زندگی انہی موسموں کی شمیم ہے
کہیں محملوں کا غبار اڑے کہیں منزلوں کے دئے جلیں
خم آسماں رہ کارواں نہ مقام ہے نہ مقیم ہے
حرم اور دیر فسانہ ہے یہی جلتی سانس زمانہ ہے
یہی گوشۂ دل ناصبور ہی کنج باغ نعیم ہے
Tere farq-e-nāz pe tāj hai, mere dosh-e-gham pe galīm hai
Tere farq-e-nāz pe tāj hai, mere dosh-e-gham pe galīm hai
Terī dāstāñ bhī azīm hai, merī dāstāñ bhī azīm hai
Merī kitnī sochī subhon ko ye khayāl zahr pilā gayā
Kisī tapte lamhe kī āh hai kih kharām-e-mauj-e-nasīm hai
Tah-e-khāk kirmak-dāna jo bhī sharīk-e-raqs-e-hayāt hai
Na bas ek jalva-e-tūr hai na bas ek shauq-e-kalīm hai
Ye har ek simt musāfatoñ mein gundhī paṛī hain jo sā'ateñ
Terī zindagī merī zindagī inhī mausamon kī shamīm hai
Kahīñ mahmilon kā ghubār uṛe, kahīñ manzilon ke diye jalīñ
Kham-e-āsmāñ rah-e-kārvāñ, na maqām hai na muqīm hai
Haram aur der fasāna hai, yahī jaltī saans zamāna hai
Yahī goshe-e-dil-e-nā-sabūr hī kunj-e-bāgh-e-na'īm hai
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں