ان لوگوں کے اندر — مجید امجد
شاعر
ان لوگوں کے اندر
ان لوگوں کے اندر جن کے اندر میں بھی ہوں
میرے برعکس ایسے بھی
ہیں کچھ لوگ
جن کی باتوں کے کچھ سچے روپ
ان کے حربے ہیں
لیکن یہ سچ ان کا نہیں ہوتا
یہ سچ اوروں سے چھینا ہوا ہوتا ہے
اپنے جھوٹ اور اپنی بدی کو چھپانے کی خاطر
وہ اوروں کی اک اک اچھائی کو ہتھیا لیتے ہیں
اور پھر اس ہتھیار کو لے کر جب وہ چلتے ہیں
ساری دنیا ان سے ڈرتی ہے
یہ بھی کیسا زمانہ ہے
جب اچھوں کی سب اچھائیاں بروں کے ہاتھوں میں
حربے ہیں سچے لوگ اگر جیوٹ ہوں
کون ان کے منہ آئے گا
جھوٹ کے اس تالاب کے سب کچھوے
اپنے اپنے خول میں اپنے اپنے کالے ضمیروں میں
چھپ جائیں گے
Un Logon Ke Andar
Un logon ke andar jin ke andar main bhi hoon
Mere bar-aks aise bhi
Hain kuch log
Jin ki baton ke kuch sacche roop
Un ke harbe hain
Lekin yeh sach un ka nahin hota
Yeh sach auron se cheena hua hota hai
Apne jhoot aur apni badi ko chhupane ki khatir
Woh auron ki ek ek achhai ko hathiya lete hain
Aur phir is hathyar ko lekar jab woh chalte hain
Saari duniya un se darti hai
Yeh bhi kaisa zamana hai
Jab achhon ki sab achhaiyan buron ke hathon mein
Harbe hain sacche log agar jeevat hon
Kaun un ke munh aayega
Jhoot ke is talaab ke sab kachhue
Apne apne khol mein apne apne kaale zameeron mein
Chhup jayenge
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں