یاد — مجید امجد
شاعر
یاد
ایک اجلا سا کانپتا دھبا
ذہن کی سطح پر لڑھکتا ہوا
نقش، جس میں کبھی سمٹ آئی
لاکھ یادوں کی مست انگڑائی
داغ جس کی جبین غم پہ کبھی
ہو گیا آ کے لرزہ بر اندام
کسی بھولے ہوئے حبیب کا نام
زخم جس کی تپکتی تہہ سے کبھی
رس پڑے دکھتے گھونگھٹ الٹا کے
کسی چہرے کے سیکڑوں خاکے
عکس ان دیکھا عکس تیرتا ہے
آنسوؤں کی روانیوں میں رواں
روح کی شورشوں میں سایہ کناں
ذہن کی سطح پر لڑھکتا ہوا
Yaad
Ek ujla sa kaanpta dhabba
Zehen ki satah par ludhakta hua
Naqsh, jis mein kabhi simat aayi
Lakh yaadon ki mast angdai
Daagh jis ki jabeen-e-gham pe kabhi
Ho gaya aa ke larza bar andaam
Kisi bhoole hue habeeb ka naam
Zakhm jis ki tapakti teh se kabhi
Ras pade dukhte ghoonghat ulta ke
Kisi chehre ke saikadon khaake
Aks un dekha aks tairta hai
Aansuon ki rawaniyon mein rawaan
Rooh ki shorishon mein saya kanaan
Zehen ki satah par ludhakta hua
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں