ابتدا سے ہم ضعیف و ناتواں پیدا ہوئے — میر انیس
شاعر
ابتدا سے ہم ضعیف و ناتواں پیدا ہوئے
ابتدا سے ہم ضعیف و ناتواں پیدا ہوئے
اڑ گیا جب رنگ رخ سے استخواں پیدا ہوئے
خاکساری نے دکھائیں رفعتوں پر رفعتیں
اس زمیں سے واہ کیا کیا آسماں پیدا ہوئے
علم خالق کا خزانہ ہے میان کاف و نون
ایک کن کہنے سے یہ کون و مکاں پیدا ہوئے
ضبط دیکھو سب کی سن لی اور کچھ اپنی کہی
اس زباں دانی پر ایسے بے زباں پیدا ہوئے
شور بختی آئی حصے میں انہیں کے وا نصیب
تلخ کامی کے لیے شیریں زباں پیدا ہوئے
احتیاط جسم کیا انجام کو سوچو انیسؔ
خاک ہونے کو یہ مشت استخواں پیدا ہوئے
Ibtidā se hum za'īf o nā-tavāñ paidā hue
Ibtidā se hum za'īf o nā-tavāñ paidā hue
Uṛ gayā jab rang-e-rukh se istikhwāñ paidā hue
Khāksārī ne dikhā'īñ rif'atoñ par rif'ateñ
Is zamīñ se wāh kyā kyā āsmāñ paidā hue
Ilm-e-Khāliq kā khazāna hai mayān-e-kāf o nūn
Ek kun kehne se yeh kaun-o-makāñ paidā hue
Zabt dekho sab kī sun lī aur kuchh apnī kahī
Is zabāñ dānī par aise be-zabāñ paidā hue
Shor-bakhtī aaī hisse meñ unhīñ ke wā nasīb
Talkh-kāmī ke liye shīrīñ zabāñ paidā hue
Ehtiyāṭ-e-jism kyā anjām ko socho Anīs
Khāk hone ko yeh musht-e-istikhwāñ paidā hue
شاعر کے بارے میں
میر ببر علی انیس (1802ء–1874ء) اردو مرثیے کے عظیم ترین شاعر، دبستانِ لکھنؤ کے درخشاں ستارے اور اردو ایپک شاعری کی بلند ترین آواز تھے۔ آپ کا تعلق ...
مکمل تعارف پڑھیں