مرا راز دل آشکارا نہیں — میر انیس
شاعر
مرا راز دل آشکارا نہیں
مرا راز دل آشکارا نہیں
وہ دریا ہوں جس کا کنارا نہیں
وہ گل ہوں جدا سب سے ہے جس کا رنگ
وہ بو ہوں کہ جو آشکارا نہیں
وہ پانی ہوں شیریں نہیں جس میں شور
وہ آتش ہوں جس میں شرارہ نہیں
بہت زال دنیا نے دیں بازیاں
میں وہ نوجواں ہوں جو ہارا نہیں
جہنم سے ہم بے قراروں کو کیا
جو آتش پہ ٹھہرے وہ پارا نہیں
فقیروں کی مجلس ہے سب سے جدا
امیروں کا یاں تک گزارا نہیں
سکندر کی خاطر بھی ہے سد باب
جو دارا بھی ہو تو مدارا نہیں
کسی نے تری طرح سے اے انیسؔ
عروس سخن کو سنوارا نہیں
Mirā rāz-e-dil āshkārā nahīñ
Mirā rāz-e-dil āshkārā nahīñ
Woh daryā hūñ jis kā kinārā nahīñ
Woh gul hūñ judā sab se hai jis kā rang
Woh bū hūñ ke jo āshkārā nahīñ
Woh pānī hūñ shīrīñ nahīñ jis meñ shor
Woh ātish hūñ jis meñ sharāra nahīñ
Bahut zāl duniyā ne dīñ bāziyāñ
Maiñ woh naujawāñ hūñ jo hārā nahīñ
Jahannam se hum be-qarāroñ ko kyā
Jo ātish pe ṭhahre woh pārā nahīñ
Faqīroñ kī majlis hai sab se judā
Amīroñ kā yahāñ tak guzārā nahīñ
Sikandar kī khātir bhī hai sad-bāb
Jo Dārā bhī ho to mudārā nahīñ
Kisī ne terī tarah se ai Anīs
Arūs-e-sukhan ko sañwārā nahīñ
شاعر کے بارے میں
میر ببر علی انیس (1802ء–1874ء) اردو مرثیے کے عظیم ترین شاعر، دبستانِ لکھنؤ کے درخشاں ستارے اور اردو ایپک شاعری کی بلند ترین آواز تھے۔ آپ کا تعلق ...
مکمل تعارف پڑھیں