کوئی انیس کوئی آشنا نہیں رکھتے — میر انیس
شاعر
کوئی انیس کوئی آشنا نہیں رکھتے
کوئی انیس کوئی آشنا نہیں رکھتے
کسی کی آس بغیر از خدا نہیں رکھتے
کسی کو کیا ہو دلوں کی شکستگی کی خبر
کہ ٹوٹنے میں یہ شیشے صدا نہیں رکھتے
فقیر دوست جو ہو ہم کو سرفراز کرے
کچھ اور فرش بجز بوریا نہیں رکھتے
مسافرو شب اول بہت ہے تیرہ و تار
چراغ قبر ابھی سے جلا نہیں رکھتے
وہ لوگ کون سے ہیں اے خدائے کون و مکاں
سخن سے کان کو جو آشنا نہیں رکھتے
مسافران عدم کا پتہ ملے کیونکر
وہ یوں گئے کہ کہیں نقش پا نہیں رکھتے
تپ دروں غم فرقت ورم پیادہ روی
مرض تو اتنے ہیں اور کچھ دوا نہیں رکھتے
کھلے گا حال انہیں جب کہ آنکھ بند ہوئی
جو لوگ الفت مشکل کشا نہیں رکھتے
جہاں کی لذت و خواہش سے ہے بشر کا خمیر
وہ کون ہیں کہ جو حرص و ہوا نہیں رکھتے
انیسؔ بیچ کے جاں اپنی ہند سے نکلو
جو توشۂ سفر کربلا نہیں رکھتے
Koī Anīs koī āshnā nahīñ rakhte
Koī Anīs koī āshnā nahīñ rakhte
Kisī kī aas baghair az Khudā nahīñ rakhte
Kisī ko kyā ho diloñ kī shikastagī kī khabar
Ke tūṭne meñ yeh shīshe sadā nahīñ rakhte
Faqīr dost jo ho hum ko sarfarāz kare
Kuchh aur farsh bajuz boriyā nahīñ rakhte
Musāfiro shab-e-avval bahut hai tīra o tār
Charāgh-e-qabr abhī se jalā nahīñ rakhte
Woh log kaun se haiñ ai Khudā-e-kaun o makāñ
Sukhan se kān ko jo āshnā nahīñ rakhte
Musāfirān-e-'adam kā patā mile kyūñkar
Woh yūñ ga'e ke kahīñ naqsh-e-pā nahīñ rakhte
Tap-e-darūñ gham-e-furqat varam piyāda-ravī
Maraz to itne haiñ aur kuchh davā nahīñ rakhte
Khulegā hāl unhīñ jab ke āñkh band huī
Jo log ulfat-e-mushkil-kushā nahīñ rakhte
Jahāñ kī lazzat o khwāhish se hai bashar kā khamīr
Woh kaun haiñ ke jo hirs o havā nahīñ rakhte
Anīs bech ke jāñ apnī Hind se niklo
Jo tosha-e-safar-e-Karbalā nahīñ rakhte
شاعر کے بارے میں
میر ببر علی انیس (1802ء–1874ء) اردو مرثیے کے عظیم ترین شاعر، دبستانِ لکھنؤ کے درخشاں ستارے اور اردو ایپک شاعری کی بلند ترین آواز تھے۔ آپ کا تعلق ...
مکمل تعارف پڑھیں