آہ کو چاہیے اک عمر اثر ہوتے تک
آہ کو چاہیے اک عمر اثر ہوتے تک کون جیتا ہے تری زلف کے سر ہوتے تک دام ہر موج میں ہے حلقۂ صد کام نہنگ دیکھیں کیا گزرے ہے قطرے پہ گہر ہوتے تک عاشقی صبر طلب اور تمنا بیتاب دل کا کیا رنگ کروں خون جگر ہوتے تک تا قیامت شب فرقت میں گزر جائے گی عمر سات دن ہم پہ بھی بھاری ہیں سحر ہوتے تک ہم نے مانا کہ تغافل نہ کرو گے لیکن خاک ہو جائیں گے ہم تم کو خبر ہوتے تک پرتو خور سے ہے شبنم کو فنا کی تعلیم میں بھی ہوں ایک عنایت کی نظر ہوتے تک یک نظر بیش نہیں فرصت ہستی غافل گرمیٔ بزم ہے اک رقص شرر ہوتے تک غم ہستی کا اسدؔ کس سے ہو جز مرگ علاج شمع ہر رنگ میں جلتی ہے سحر ہوتے تک
English rendering
Aah ko chahiye ik umr asar hote tak Kaun jeeta hai teri zulf ke sar hote tak Daam har mauj mein hai halqa-e-sad kaam-e-nahang Dekhen kya guzre hai qatre pe gauhar hote tak Aashiqi sabr talab aur tamanna betaab Dil ka kya rang karoon khoon-e-jigar hote tak Ta qayamat shab-e-furqat mein guzar jaegi umr Saat din hum pe bhi bhaari hain sahar hote tak Hum ne mana ke taghaful na karoge lekin Khaak ho jayenge hum tum ko khabar hote tak Partav-e-khur se hai shabnam ko fana ki ta'leem Main bhi hoon ek inaayat ki nazar hote tak Yak nazar besh nahin fursat-e-hasti Ghafil Garmi-e-bazm hai ek raqs-e-sharar hote tak Gham-e-hasti ka Asad kis se ho juz marg ilaj Sham'a har rang mein jalti hai sahar hote tak