آمد خط سے ہوا ہے سرد جو بازار دوست
آمد خط سے ہوا ہے سرد جو بازار دوست دود شمع کشتہ تھا شاید خط رخسار دوست اے دل ناعاقبت اندیش ضبط شوق کر کون لا سکتا ہے تاب جلوۂ دیدار دوست خانہ ویراں سازی حیرت تماشا کیجیے صورت نقش قدم ہوں رفتۂ رفتار دوست عشق میں بیداد رشک غیر نے مارا مجھے کشتۂ دشمن ہوں آخر گرچہ تھا بیمار دوست چشم ما روشن کہ اس بے درد کا دل شاد ہے دیدۂ پر خوں ہمارا ساغر سرشار دوست غیر یوں کرتا ہے میری پرسش اس کے ہجر میں بے تکلف دوست ہو جیسے کوئی غم خوار دوست تاکہ میں جانوں کہ ہے اس کی رسائی واں تلک مجھ کو دیتا ہے پیام وعدۂ دیدار دوست جب کہ میں کرتا ہوں اپنا شکوۂ ضعف دماغ سر کرے ہے وہ حدیث زلف عنبر بار دوست چپکے چپکے مجھ کو روتے دیکھ پاتا ہے اگر ہنس کے کرتا ہے بیان شوخی گفتار دوست مہربانی ہائے دشمن کی شکایت کیجیے تا بیاں کیجے سپاس لذت آزار دوست یہ غزل اپنی مجھے جی سے پسند آتی ہے آپ ہے ردیف شعر میں غالبؔ ز بس تکرار دوست چشم بند خلق جز تمثال خود بینی نہیں آئنہ ہے قالب خشت در و دیوار دوست برق خرمن زار گوہر ہے نگاہ تیز یاں اشک ہو جاتے ہیں خشک از گرمیٔ رفتار دوست ہے سوا نیزے پہ اس کے قامت نوخیز سے آفتاب صبح محشر ہے گل دستار دوست اے عدوئے مصلحت چند بہ ضبط افسردہ رہ کردنی ہے جمع تاب شوق دیدار دوست لغزشت مستانہ و جوش تماشا ہے اسدؔ آتش مے سے بہار گرمیٔ بازار دوست
English rendering
Aamad-e-khat se hua hai sard jo bazaar-e-dost Dood-e-sham'a-e-kushta tha shayad khat-e-rukhsar-e-dost Aye dil-e-na-aaqibat-andesh zabt-e-shauq kar Kaun la sakta hai taab-e-jalwa-e-deedar-e-dost Khana-veeraan-saazi-e-hairat tamasha kijiye Surat-e-naqsh-e-qadam hoon rafta-e-raftaar-e-dost Ishq mein bedaad-e-rashk-e-ghair ne mara mujhe Kushta-e-dushman hoon akhir garche tha beemar-e-dost Chashm-e-ma roshan ke us be-dard ka dil shaad hai Deeda-e-pur-khoon hamara saghar-e-sarshar-e-dost Ghaye yoon karta hai meri pursish us ke hijr mein Be-takalluf dost ho jaise koi gham-khwar-e-dost Ta-ke main janoon ke hai us ki rasai vaan talak Mujh ko deta hai payam-e-wa'da-e-deedar-e-dost Jab ke main karta hoon apna shikwa-e-za'f-e-dimaagh Sar kare hai woh hadees-e-zulf-e-anbar-baar-e-dost Chupke chupke mujh ko rote dekh paata hai agar Hans ke karta hai bayan-e-shokhi-e-guftaar-e-dost Meherbani-ha-e-dushman ki shikayat kijiye Ta bayan kijiye sipas-e-lazzat-e-aazaar-e-dost Yeh ghazal apni mujhe jee se pasand aati hai aap Hai radeef-e-she'r mein Ghalib za bas takraar-e-dost Chashm-band-e-khalq juz timsaal-e-khud-beeni nahin Aaina hai qaalib-e-khisht-e-dar-o-deewar-e-dost Barq-e-kharman-zaar-e-gauhar hai nigah-e-tez yaan Ashk ho jaate hain khushk az garmi-e-raftaar-e-dost Hai siwa neze pe us ke qamat-e-naukhez se Aaftab-e-subh-e-mahshar hai gul-e-dastaar-e-dost Aye adoo-e-maslehat chand ba zabt afsurda reh Kardani hai jama taab-e-shauq-e-deedar-e-dost Laghzish-e-mastana o josh-e-tamasha hai Asad Aatish-e-mai se bahaar-e-garmi-e-bazaar-e-dost