عرض نیاز عشق کے قابل نہیں رہا
عرض نیاز عشق کے قابل نہیں رہا جس دل پہ ناز تھا مجھے وہ دل نہیں رہا جاتا ہوں داغ حسرت ہستی لیے ہوئے ہوں شمع کشتہ در خور محفل نہیں رہا مرنے کی اے دل اور ہی تدبیر کر کہ میں شایان دست و بازوئے قاتل نہیں رہا برروئے شش جہت در آئینہ باز ہے یاں امتیاز ناقص و کامل نہیں رہا وا کر دیے ہیں شوق نے بند نقاب حسن غیر از نگاہ اب کوئی حائل نہیں رہا گو میں رہا رہین ستم ہائے روزگار لیکن ترے خیال سے غافل نہیں رہا دل سے ہوائے کشت وفا مٹ گئی کہ واں حاصل سوائے حسرت حاصل نہیں رہا بیداد عشق سے نہیں ڈرتا مگر اسدؔ جس دل پہ ناز تھا مجھے وہ دل نہیں رہا ہر چند میں ہوں طوطی شیریں سخن ولے آئینہ آہ میرے مقابل نہیں رہا جاں داد گاں کا حوصلہ فرصت گداز ہے یاں عرصۂ طپیدن بسمل نہیں رہا ہوں قطرہ زن بہ وادیٔ حسرت شبانہ روز جز تار اشک جادۂ منزل نہیں رہا اے آہ میری خاطر وابستہ کے سوا دنیا میں کوئی عقدۂ مشکل نہیں رہا انداز نالہ یاد ہیں سب مجھ کو پر اسدؔ جس دل پہ ناز تھا مجھے وہ دل نہیں رہا
English rendering
Arz-e-niyaz-e-ishq ke qabil nahin raha Jis dil pe naaz tha mujhe woh dil nahin raha Jaata hoon daagh-e-hasrat-e-hasti liye hue Hoon sham'a-e-kushta dar-khor-e-mahfil nahin raha Marne ki aye dil aur hi tadbeer kar ke main Shayan-e-dast-o-bazu-e-qaatil nahin raha Bar-ruye shash jihat dar aaina baaz hai Yaan imtiyaz-e-naqis-o-kamil nahin raha Wa kar diye hain shauq ne band-e-naqab-e-husn Ghaye az nigah ab koi haail nahin raha Go main raha raheen-e-sitam-ha-e-rozgar Lekin tere khayal se ghafil nahin raha Dil se hawa-e-kisht-e-wafa mit gayi ke vaan Haasil siwa-e-hasrat-e-haasil nahin raha Bedaad-e-ishq se nahin darta magar Asad Jis dil pe naaz tha mujhe woh dil nahin raha Har chand main hoon tooti-e-shireen-sukhan wale Aaina aah mere muqabil nahin raha Jaan-daadaan ka hausla fursat-gudaz hai Yaan arsa-e-tapidan-e-bismil nahin raha Hoon qatra-zan ba wadi-e-hasrat shabana roz Juz taar-e-ashk jaada-e-manzil nahin raha Aye aah meri khatir-e-wabasta ke siwa Duniya mein koi uqda mushkil nahin raha Andaz-e-nala yaad hain sab mujh ko par Asad Jis dil pe naaz tha mujhe woh dil nahin raha