بازیچۂ اطفال ہے دنیا مرے آگے
بازیچۂ اطفال ہے دنیا مرے آگے ہوتا ہے شب و روز تماشا مرے آگے اک کھیل ہے اورنگ سلیماں مرے نزدیک اک بات ہے اعجاز مسیحا مرے آگے جز نام نہیں صورت عالم مجھے منظور جز وہم نہیں ہستیٔ اشیا مرے آگے ہوتا ہے نہاں گرد میں صحرا مرے ہوتے گھستا ہے جبیں خاک پہ دریا مرے آگے مت پوچھ کہ کیا حال ہے میرا ترے پیچھے تو دیکھ کہ کیا رنگ ہے تیرا مرے آگے سچ کہتے ہو خودبین و خود آرا ہوں نہ کیوں ہوں بیٹھا ہے بت آئنہ سیما مرے آگے پھر دیکھیے انداز گل افشانیٔ گفتار رکھ دے کوئی پیمانۂ صہبا مرے آگے نفرت کا گماں گزرے ہے میں رشک سے گزرا کیوں کر کہوں لو نام نہ ان کا مرے آگے ایماں مجھے روکے ہے جو کھینچے ہے مجھے کفر کعبہ مرے پیچھے ہے کلیسا مرے آگے عاشق ہوں پہ معشوق فریبی ہے مرا کام مجنوں کو برا کہتی ہے لیلیٰ مرے آگے خوش ہوتے ہیں پر وصل میں یوں مر نہیں جاتے آئی شب ہجراں کی تمنا مرے آگے ہے موجزن اک قلزم خوں کاش یہی ہو آتا ہے ابھی دیکھیے کیا کیا مرے آگے گو ہاتھ کو جنبش نہیں آنکھوں میں تو دم ہے رہنے دو ابھی ساغر و مینا مرے آگے ہم پیشہ و ہم مشرب و ہم راز ہے میرا غالبؔ کو برا کیوں کہو اچھا مرے آگے
English rendering
Bazeecha-e-atfal hai duniya mere aage Hota hai shab o roz tamasha mere aage Ik khel hai aurang-e-Sulaiman mere nazdeek Ik baat hai i'jaz-e-Maseeha mere aage Juz naam nahin surat-e-alam mujhe manzoor Juz wahm nahin hasti-e-ashya mere aage Hota hai nihaan gard mein sahra mere hote Ghissta hai jabeen khaak pe darya mere aage Mat pooch ke kya haal hai mera tere peeche Tu dekh ke kya rang hai tera mere aage Sach kehte ho khud-been o khud-aara hoon na kyon hoon Baitha hai but-e-aaina-seema mere aage Phir dekhiye andaaz-e-gul-afshani-e-guftaar Rakh de koi paimana-e-sahba mere aage Nafrat ka gumaan guzre hai main rashk se guzra Kyon kar kahoon lo naam na un ka mere aage Eemaan mujhe roke hai jo kheencha hai mujhe kufr Kaaba mere peeche hai kaleesa mere aage Aashiq hoon pe mashooq-farebi hai mera kaam Majnu ko bura kehti hai Laila mere aage Khush hote hain par vasl mein yoon mar nahin jaate Aai shab-e-hijran ki tamanna mere aage Hai maujzan ik qulzam-e-khoon kaash yahi ho Aata hai abhi dekhiye kya kya mere aage Go haath ko jumbish nahin aankhon mein to dam hai Rehne do abhi saghar o meena mere aage Hum-pesha o hum-mashrab o hum-raaz hai mera Ghalib ko bura kyon kaho acha mere aage