دائم پڑا ہوا ترے در پر نہیں ہوں میں
دائم پڑا ہوا ترے در پر نہیں ہوں میں خاک ایسی زندگی پہ کہ پتھر نہیں ہوں میں کیوں گردش مدام سے گھبرا نہ جاے دل انسان ہوں پیالہ و ساغر نہیں ہوں میں یارب زمانہ مجھ کو مٹاتا ہے کس لیے لوح جہاں پہ حرف مکرر نہیں ہوں میں حد چاہیے سزا میں عقوبت کے واسطے آخر گناہ گار ہوں کافر نہیں ہوں میں کس واسطے عزیز نہیں جانتے مجھے لعل و زمرد و زر و گوہر نہیں ہوں میں رکھتے ہو تم قدم مری آنکھوں سے کیوں دریغ رتبے میں مہر و ماہ سے کم تر نہیں ہوں میں کرتے ہو مجھ کو منع قدم بوس کس لیے کیا آسمان کے بھی برابر نہیں ہوں میں غالبؔ وظیفہ خوار ہو دو شاہ کو دعا وہ دن گئے کہ کہتے تھے نوکر نہیں ہوں میں
English rendering
Daim pada hua tere dar par nahin hoon main Khak aisi zindagi pe ke patthar nahin hoon main Kyon gardish-e-mudam se ghabra na jaaye dil Insaan hoon pyala o saghar nahin hoon main Ya Rab zamana mujh ko mitata hai kis liye Lauh-e-jahaan pe harf-e-mukarrar nahin hoon main Had chahiye saza mein uqabat ke vaste Aakhir gunahgaar hoon kafir nahin hoon main Kis vaste aziz nahin jaante mujhe Lal o zumurrad o zar o gauhar nahin hoon main Rakhte ho tum qadam meri aankhon se kyon daregh Rutbe mein mehr o mah se kamtar nahin hoon main Karte ho mujh ko mana-e-qadam-bos kis liye Kya aasmaan ke bhi barabar nahin hoon main Ghalib wazifa-khwar ho do shah ko dua Woh din gaye ke kehte the naukar nahin hoon main